აშშ-ის ყოფილმა პრეზიდენტმა, დონალდ ტრამპმა მოქმედი პრეზიდენტი, ჯო ბაიდენი გააკრიტიკა მას შემდეგ, რაც თეთრი სახლის ამჟამინდელმა ლიდერმა განაცხადა, რომ არ აქვს კომენტარი ჰავაის კუნძულ მაუიზე მომხდარ ტყის ხანძართან დაკავშირებით. შეგახსენებთ, რომ ამ დროისთვის არსებული ინფორმაციით ხანძარს ასამდე ადამიანი ემსხვერპლა.

„ჩვენი მთავრობა არ იყო მომზადებული და რაც მთავარია, შედეგები ძალიან მძიმეა. ჩვენი ქვეყნის ისტორიაში ყველაზე არაკომპეტენტურმა პრეზიდენტმა, ჯო ბაიდენმა სიცილით და ღიმილით თქვა, რომ სიკვდილსა და ტრაგედიაზე კომენტარი არ აქვს“, - აღნიშნა დონალდ ტრამპმა.

„სამარცხვინოა, რომ ჯო ბაიდენი უარს ამბობს დახმარებაზე ან კომენტარის გაკეთებაზე მაუის კუნძულზე მომხდარ ტრაგედიასთან დაკავშირებით“, - დასძინა მან.

14 აგვისტოს, თეთრი სახლის პრესმდივანმა, კარინ ჟან-პიერმა დაადასტურა, რომ ამ ეტაპზე არ იგეგმება პრეზიდენტ ჯო ბაიდენის ჰავაის კუნძულ მაუიზე ჩასვლა.