აშშ-ის პრეზიდენტი დონალდ ტრამპი რესპუბლიკური პარტიის საპრეზიდენტო კანდიდატების დებატებში მონაწილეობას არ მიიღებს. ამის შესახებ ინფორმაციას BBC ავრცელებს. როგორ ტრამპმა განაცხადა, ბოლო სოციოლოგიური კვლევები აჩვენებს, რომ ის კონკურენტებს დიდი უპირატესობით უსწრებს.

"CBS-ის მიერ გამოქვეყნებული გამოკითხვა აჩვენებს, რომ მე "ლეგენდარული" უპირატესობით ვლიდერობ. საზოგადოებამ კარგად იცის, თუ ვინ ვარ და როგორი წარმატებული საპრეზიდენტო ვადა მქონდა: ენერგოდამოუკიდებლობით, ძლიერი საზღვრებითა და სამხედრო ძალებით, ყველაზე დიდი საგადასახადო და რეგულაციების შემცირებით, არავითარი ინფლაციით, უძლიერესი ეკონომიკით ისტორიის მანძილზე და ა.შ.", – წერს დონალად ტრამპი.

CBS-ის გამოკითხვის მიხედვით, დონალდ ტრამპი რესპუბლიკური პარტიის პრეზიდენტობის კანდიდატებს შორის ფავორიტია და მას გამოკითხულთა 62 პროცენტი უჭერს მხარს. მის მთავარ კონკურენტს, ფლორიდის გუბერნატორ რონ დე სანტისს კი 16 პროცენტი.

რესპუბლიკური პარტიიდან პრეზიდენტობის კანდიდატების პირველი დებატები 23 აგვისტოს გაიმართება. შიდაპარტიული არჩევნები კი 2024 წლის 15 იანვარს, აიოვას შტატიდან აიღებს სტარტს.