25 სექტემბერი, 2022

ეგზიტპოლის თანახმად, იტალიის ვადამდელ საპარლამენტო არჩევნებში მემარჯვენე ბლოკი სავარაუდოდ ხმების 41-45%-ს მიიღებს. ამის შესახებ Euronews იუწყება.

კოალიციაში შემავალი ყველაზე დიდი პარტია არის "იტალიის ძმები" ჯორჯია მელონის ხელმძღვანელობით, რომელიც სავარაუდოდ ხმების 22-26%-ს მიიღებს. არჩევნებში საბოლოო გამარჯვების შემთხვევაში, ჯორჯია მელონი იტალიის პირველი ქალი პრემიერ-მინისტრი გახდება.

ჯორჯია მელონის კოალიციური პარტნიორები მატეო სალვინის პარტია „ლიგა“ და სილვიო ბერლუსკონის პარტია „წინ, იტალია“ არიან.

მედიის ცნობით, მიმდინარე არჩევნებზე ამომრჩეველთა მხოლოდ 64.67% გამოცხადდა, რაც პოლიტიკურად ასეთი აქტიური ქვეყნისთვის საკმაოდ დაბალი მაჩვენებელია.