ენერგეტიკული კრიზისის გამო უნგრეთი შეშის ექსპორტს კრძალავს
11 აგვისტო, 2022
ენერგეტიკული კრიზისის გამო უნგრეთი შეშის ექსპორტს კრძალავს, – ამის შესახებ უნგრეთის სოფლის მეურნეობის მინისტრმა, იშტვან ნადმა განაცხადა.
„ომით გამოწვეული ენერგეტიკული კრიზისისა და ბრიუსელის სანქციების გამო, მთავრობა აკრძალავს ენერგეტიკული პროდუქტების, მათ შორის შეშის ექსპორტს“, – აღნიშნულია უნგრეთის მთავრობის წარმომადგენლის განცხადებაში.
უნგრული მედიის ინფორმაციით, მთავრობამ ტყის მწარმოებლებს დაავალა, აცნობონ სხვა ქვეყნებში ხე-ტყის მიწოდების შესახებ ნებისმიერი კონტრაქტის შესახებ. ნადმა განაცხადა, რომ მთავრობა აკონტროლებს შეშის ექსპორტს საზღვარგარეთ, რაც სტრატეგიული მნიშვნელობისაა ენერგეტიკული უსაფრთხოების კუთხით და საჭიროების შემთხვევაში შეუძლია, შეზღუდოს და გამოიყენოს წინასწარი შეძენის უფლება.
უნგრეთის მთავრობამ აღნიშნა, რომ ეს აკრძალვა არ არის განუსაზღვრელი, მაგრამ გამოიყენება დროებით, როგორც გადაუდებელი ღონისძიება.
ავტორი - გივი ბარამიძე
