„ენერგოატომი“ - ზაპოროჟიეს ატომურ ელექტროსადგურზე რადიაციული უსაფრთხოების დარღვევის რისკი არსებობს
15 აგვისტო, 2022
ზაპოროჟიეს ატომური ელექტროსადგური რადიაციული და სახანძრო უსაფრთხოების სტანდარტების დარღვევის რისკით მუშაობს, - ამის შესახებ უკრაინული კომპანია „ენერგოატომი“ იუწყება.
კომპანიაში განმარტავენ, რომ მტრის მიერ განხრციელებული დაბომბვის შედეგად სერიოზულად დაზიანდა აზოტ-ჟანგბადის სადგური, კომბინირებული დამხმარე შენობა, საყოფაცხოვრებო ჩამდინარე წყლების სატუმბი სადგური, ასევე ღია გამანაწილებელი მოწყობილობა.
“ენერგოატომის“ განცხადებით, ოკუპანტების მიერ ზაპორიჟიეს ატომური ელექტროსადგურის პერიოდული დაბომბვა სერიოზულ საფრთხეს უქმნის სადგურის უსაფრთხო მუშაობას. სამი მოქმედი ენერგობლოკიდან ერთი ახლა გამორთულია. კომპანიაში აცხადებენ, რომ ჯერ კიდევ არსებობს წყალბადის და რადიოაქტიური ნივთიერებების გაჟონვს რისკები. გარდა ამისა, არსებობს ხანძრის საშიშროების მაღალი დონე.
შეგახსენებთ, რუსულმა ძალებმა ზაპოროჟიეს ატომური ელექტროსადგური რამდენჯერმე დაბომბეს.
