ქალ ფეხბურთელთა შორის მსოფლიო ჩემპიონატი ესპანეთის ნაკრების გამარჯვებით დასრულდა.

ფინალურ შეხვედრაში, რომელიც სიდნეიში, სტადიონ „ავსტრალიაზე“ გაიმართა, ესპანელები ინგლისელებს დაუპირისპირდნენ და ანგარიშით 1:0 სძლიეს.

შეხვედრის ერთადერთი გოლი 29-ე წუთზე ოლგა კარმონამ გაიტანა. მატჩის მეორე ნახევარში ესპანელებს ანგარიშის გაზრდის შანსი ჰქონდათ, თუმცა საჯარიმოში ხელით თამაშისთვის დანიშნული პენალტი მეკარე მერი ერპსმა მოიგერია.

ესპანელი ფეხბურთელები პირველად გახდნენ მსოფლიო ჩემპიონები ქალთა შორის.