19 ივლისი, 2022

დღეს, 19 ივლისს, ევროკავშირი და ჩინეთი მაღალი დონის ეკონომიკურ და სავაჭრო დიალოგს გამართავენ. ამის შესახებ „როიტერი“ იტყობინება.

„ევროკავშირ-ჩინეთის რიგით მე-9, მაღალი დონის ეკონომიკური და სავაჭრო დიალოგი გაიმართება 19 ივლისს. მოუთმენლად ველოდები ამ მნიშვნელოვანი ღონისძიების თანათავმჯდომარეობას ჩინეთის ვიცე-პრემიერ ლიუ ჰესთან ერთად“, – აღნიშნა ევროპული კომისიის აღმასრულებელმა, ვიცე-პრეზიდენტმა ვალდის დომბროვსკისმა „ტვიტერზე“.

არსებული ცნობებით, მხარეთა შორის დიალოგი ვირტუალურ რეჟიმში ჩატარდება. მსგავსი დიალოგის ბოლო რაუნდი 2020 წლის ივლისში გაიმართა.