25 სექტემბერი, 2022

ევროკავშირის რიგი ქვეყნები სამი რუსული ტელეარხისა და 5 ვებგვერდისთვის სანქციების დაწესების ინიციატივით გამოდიან. ამის შესახებ EUobserver, ირლანდიის, პოლონეთის და ბალტიის ქვეყნების ცხრაგვერდიან წინადადებაზე დაყრდნობით იუწყება.

დოკუმენტის თანახმად, ამ ქვეყნებმა წამოაყენეს წინადადება ეთერიდან მოიხსნას სამი რუსული ტელეარხი: НТВ Мир, РЕН ТВ и Россия 1 და ონლაინ-პლატფორმები: NewsFront, SouthFront, ანალიტიკური ცენტრი "Катехон", სტატეგიული კულტურის ფონდი (Фонд стратегической культуры) და Инфорос.

აღნიშნულია, რომ წარმოდგენილ წინადადებაში ასევე განიხილება აკრძალვა რუსეთის მოქალაქეებისთვის უძრავი ქონების მიყიდვაზე, "სმარტფონების", რადარის აღჭურვილობებისა და ლაზერული მოწყობილობების ექსპორტზე.

როგორც ევროკავშირის ერთ-ერთი დიპლომატი აღნიშნავს, აშშ-მ შეძლო ირლანდიის დარწმუნება პოლონეთის მოთხოვნებს შეერთებოდა.