erimedia_ravk/hGCdNbDIg.webp

ევროკომისიის „დემოკრატიის დაცვის პაკეტი“ ითვალისწინებს იმ სუბიექტთა რეგისტრაციას, რომელთა საქმიანობა უკავშირდება მესამე ქვეყანას, აგრეთვე წლიური შემოსავლისა და დაინტერესებული ქვეყნების გასაჯაროებას

ამბები
ევროკომისიის „დემოკრატიის დაცვის პაკეტი“ ითვალისწინებს იმ სუბიექტთა რეგისტრაციას, რომელთა საქმიანობა უკავშირდება მესამე ქვეყანას, აგრეთვე წლიური შემოსავლისა და დაინტერესებული ქვეყნების გასაჯაროებას
ამბები

ევროკომისიის „დემოკრატიის დაცვის პაკეტი“ ითვალისწინებს იმ სუბიექტთა რეგისტრაციას, რომელთა საქმიანობა უკავშირდება მესამე ქვეყანას, აგრეთვე წლიური შემოსავლისა და დაინტერესებული ქვეყნების გასაჯაროებას

erimedia_ravk/hGCdNbDIg.webp
12 დეკ

ევროკომისიის მიერ წარდგენილი „დემოკრატიის დაცვის პაკეტი“, რომელიც უცხოური გავლენების შესახებ კანონპროექტს მოიცავს, ითვალისწინებს გამჭვირვალობის რამდენიმე მოთხოვნას, მათ შორის გამჭვირვალობის რეესტრში რეგისტრაციას.

წარდგენილი პაკეტის მიხედვით, რეგისტრაცია მოეთხოვება ყველა სუბიექტს, რომლის საქმიანობა უკავშირდება მესამე ქვეყნის ინტერესების წარმოდგენას. ევროკავშირის წევრმა სახელმწიფოებმა უნდა შექმნან ან განაახლონ არსებული ეროვნულ რეესტრები ამ მიზნისთვის. ამასთან, კანონპროექტი ითვალისწინებს ამგვარი სუბიექტების საქმიანობასთან დაკავშირებული მონაცემების ძირითადი ელემენტების გასაჯაროებას, კერძოდ – მიღებული წლიური თანხის, დაინტერესებული მესამე ქვეყნების და საქმიანობის მთავარი მიზნების.

„ამ წინადადებით, ევროკომისია მიისწრაფვის, წვლილი შეიტანოს არა მხოლოდ ევროკავშირში, არამედ გლობალური მასშტაბით სტანდარტების ჩამოყალიბებაში იმასთან დაკავშირებით, როგორ გავუმკლავდეთ უცხოურ გავლენას რაციონალური და პროპორციული გზით, ფუნდამენტური უფლებების სრული პატივისცემით“, – ნათქვამია ევროკომისიის პრესრელიზში.

ევროკომისიამ დღეს წარადგინა „დემოკრატიის დაცვის პაკეტი“, რომელიც უცხოური გავლენების შესახებ კანონპროექტს მოიცავს. საკანონმდებლო ინიციატივა ბრიუსელში ღირებულებებისა და გამჭვირვალობის საკითხებში ევროკომისიის ვიცე-პრეზიდენტმა, ვერა იუროვამ და ევროკომისიის ვიცე-პრეზიდენტმა, დემოგრაფიისა და დემოკრატიის საკითხებში ევროკომისარმა დუბრავკა შუიცამ წარადგინეს.

როგორც ევროკომისიის ოფიციალურ ვებგვერდზეა აღნიშნული, ევროპულმა კომისიამ მიიღო დემოკრატიის დაცვის პაკეტი 2024 წლის ევროპული არჩევნების წინ. ამ პაკეტის ცენტრალური ნაწილი არის საკანონმდებლო ინიციატივა, რომელიც გააძლიერებს მესამე ქვეყნების სახელით ინტერესების წარმომადგენლობის ქმედებების გამჭვირვალობასა და დემოკრატიულ ანგარიშვალდებულებას. საუბარია მესამე ქვეყნების სახელით ისეთ საქმიანობაზე, რომელიც მიმართულია პოლიტიკაზე, გადაწყვეტილებების მიღების პროცესზე და დემოკრატიულ სივრცეზე გავლენისკენ. დემოკრატიის დაცვის პაკეტი ასევე მოიცავს ორ რეკომენდაციას თავისუფალ, სამართლიან და მდგრად არჩევნებთან, პოლიტიკის შემუშავებაში მოქალაქეებისა და სამოქალაქო საზოგადოების მონაწილეობასთან დაკავშირებით.

ევროკომისია აღნიშნავს, რომ პაკეტის მიზანია უცხოური გავლენის საფრთხესთან გამკლავება მეტი გამჭვირვალობის საშუალებით და ამავე დროს დემოკრატიებში მოქალაქეების მონაწილეობისა და სამოქალაქო ჩართულობის წახალისება. „ევრობარომეტრის“ მიერ ჩატარებული ბოლო კვლევა აჩვენებს, რომ ევროპელების 81%-ს სჯერა, რომ უცხოური ჩარევა დემოკრატიულ სისტემებში არის სერიოზული პრობლემა და საჭიროებს რეაგირებას.

„დადგა ფარული უცხოური გავლენის გამოაშკარავების დრო“, -აღნიშნულია ევროკომისიის პრესრელიზში.

ამასთან, პრესკონფერენციაზე ევროკომისიის ვიცე-პრეზიდენტმა, ვერა იოროვამ განაცხადა, რომ წარდგენილი კანონპროექტი არ არის ე.წ. უცხოური აგენტების შესახებ კანონპროექტი.

„ეს არ არის ე.წ. უცხოური აგენტების შესახებ კანონი. ის არ ითვალისწინებს სისხლის სამართლის სანქციებს, რამე საქმიანობის აკრძალვას ან რაიმე სახის დისკრიმინაციული იარლიყების მიკუთვნების შესაძლებლობას. ასე რომ, ამ ინიციატივით, ჩვენ ვადგენთ დემოკრატიულ სტანდარტს ამ საკითხზე რეაგირებისთვის საკუთარი თავის ჩაკეტვის ან რამე საქმიანობის შეზღუდვის გარეშე“, – აღნიშნა იუროვამ.

მისი თქმით, ევროკავშირი ვერ უგულვებელჰყოფს იმ რისკებს, რომლებიც დემოკრატიას გარედან ემუქრება.

„დემოკრატია ევროპაში არის მდგრადი, თუმცა ის საჭიროებს მუდმივ ზრუნვასა და დაცვას არა მხოლოდ ევროკავშირის ინსტიტუტების, არამედ ყველა ჩვენგანის მხრიდან, განსაკუთრებით მოქალაქეების. ჩვენი მზიანია, მეტი ინსტრუმენტი მივცეთ მათ, ვინც ზრუნავს დემოკრატიაზე, რათა კონტროლი და ბალანსი იყოს უფრო ეფექტიანი. ჩვენ ვერ უგულებელვყოფთ იმ რისკებს, რომლებიც დემოკრატიას გარედან ემუქრება“, – განაცხადა ევროკომისიის ვიცე-პრეზიდენტმა ვერა იუროვამ.

ხშირად ნანახი
Სარეკლამო
Სარეკლამო
მეტი სიახლეები ამბები
ქნესეთმა დაამტკიცა ბენიამინ ნეთანიაჰუს შუამდგომლობა პალესტინის სახელმწიფოს ცალმხრივი აღიარების წინააღმდეგ
ასოცირების საბჭო - ვადასტურებთ მხარდაჭერას საქართველოსთან ურთიერთობების გაძლიერების მიმართ, ხაზს ვუსვამთ ასოცირების შეთანხმების პოტენციალის სრულად გამოყენების მნიშვნელობას
ირაკლი კობახიძე დღეს ბრიუსელში რობერტა მეცოლას და იენს სტოლტენბერგს შეხვდება
გიორგი ბარვენაშვილი პარლამენტში ირაკლი კობახიძის ადგილმონაცვლედ დაამტკიცეს
ნინო წილოსანი პარლამენტის ვიცე-სპიკერი გახდა
Სარეკლამო
რეჯეფ თაიფ ერდოღანი - ბაქო-თბილისი-ყარსის სარკინიგზო ხაზიდან მაქსიმალური ეფექტურობის მისაღებად განახლების სამუშაოები სასწრაფოდ უნდა დასრულდეს
საპარლამენტო უმრავლესობის დღევანდელ სხდომაზე რამდენიმე საკადრო გადაწყვეტილება მიიღეს
ჯანდაცვის სამინისტროს ინფორმაციით, რესპუბლიკური საავადმყოფოს 350-მდე თანამშრომელმა სამინისტროს მიერ შეთავაზებული საკომპენსაციო პაკეტი უკვე აირჩია
NDI წინასაარჩევნო სადამკვირვებლო მისიას იწყებს
„პოლიტიკო“ - დასავლეთის ქვეყნების გეგმა ახლა არის უკრაინის არმიის დაშლის თავიდან აცილება
მეტის ჩვენება
Სარეკლამო