ბრიტანეთის პრემიერ-მინისტრმა, ლიზ ტრასმა ლივერპულს 2023 წლის ევროვიზიის კონკურსის მასპინძელ ქალაქად არჩევა მიულოცა.

"ვულოცავ ლივერპულს, ევროვიზია 2023-ის მასპინძელ ქალაქად არჩევას. ლივერპული, რომელსაც თვითონაც საამაყო მუსიკალური მემკვიდრეობა აქვს, დაუვიწყარ შოუს გპირდებათ, რომლითაც უკრაინის მდიდარი კულტურა და შემოქმედებითი უნარები აღინიშნება", - დაწერა ლიზ ტრასმა "ტვიტერში".

ღონისძიების მასპინძლობის უფლებისთვის ბრძოლაში, ფინალურ ეტაპზე, ლივერპული შოტლანდიის ქალაქ გლაზგოს დაუპირისპირდა.

მანამდე, ევროპის მაუწყებელთა კავშირმა (EBU) გადაწყვეტილება მიიღო, რომ ევროვიზია 2023 უკრაინის ტერიტორიიდან (რომელიც ევროვიზია 2022-ის გამარჯვებულია), უსაფრთხოების მიზნით, სხვა ქვეყანაში გადაეტანათ. ამასთან, უკრაინის წარმომადგენელი შემდეგ წელს პირდაპირ კონკურსის ფინალში იქნება.