FBI-ის ერთ-ერთმა ყველაზე მაღალი რანგის თანამშრომელმა, რომელიც ოდესმე პასუხისგებაში მიუციათ, სამშაბათს ბრალი აღიარა. ინფორმაციას ამის შესახებ უცხოური მედია ავრცელებს.

ჩარლზ მაკგონიგალი, რომელიც FBI-ის ნიუ-იორკის ოფისში კონტრდაზვერვაზე იყო პასუხისმგებელი, რუსეთის წინააღმდეგ აშშ-ის სანქციების დარღვევის გამო დააკავეს. კერძოდ კი, ოლეგ დერიპასკასთან, სანქცირებულ რუს ოლიგარქთან მუშაობის გამო.

გამოძიების განცხადებით, FBI-ის ყოფილი მაღალჩინოსანი რუსი ოლიგარქის, ვლადიმირ პოტანინის მიმართ გამოძიების ჩატარების სანაცვლოდ დერიპასკასგან ფულს იღებდა.

მაკგონიგალმა ფედერალურ სასამართლოში განაცხადა, რომ ის დათანხმდა დერიპასკას კონკურენტი ბიზნესმენის, ვლადიმერ პოტანინის შესახებ ინფორმაციის მოგროვებას, რათა ეს უკანასკნელი შემდეგ აშშ-ს სანქცირებულთა სიაში მოხვედრილიყო.

„ვიცოდი, რომ რასაც ვაკეთებდი, არასწორი იყო“, - განაცხადა FBI-ის ყოფილმა მაღალჩინოსანმა.

მუხლი, რომელზეც მაკგონიგალმა ბრალი აღიარა, 5 წლამდე პატიმრობას ითვალისწინებს. განაჩენი 14 დეკემბერს გამოცხადდება.