erimedia_ravk/Thv4pw4Vg.jpeg
(ფოტო - GFF)

FIFA-მ რეიტინგი განაახლა - საქართველოს ნაკრები დაწინაურდა

ამბები/ წყარო: www.fifa.com
FIFA-მ რეიტინგი განაახლა - საქართველოს ნაკრები დაწინაურდა
ამბებიწყარო: www.fifa.com

FIFA-მ რეიტინგი განაახლა - საქართველოს ნაკრები დაწინაურდა

erimedia_ravk/Thv4pw4Vg.jpeg
(ფოტო - GFF)
6 ოქტ

სანაკრებო მატჩების შემდეგ FIFA-მ მსოფლიო რეიტინგი განაახლა, საქართველოს საფეხბურთო ნაკრები კი ოთხი პოზიციით დაწინაურდა და 78-ე ადგილზე გადაინაცვლა.

საქართველოს ნაკრებმა გასული სანაკრებო ფანჯრის პერიოდში ჩრდილოეთ მაკედონია "დინამო არენაზე" ანგარიშით 2:0 დაამარცხა, შემდეგ კი გიბრალტარს ესტუმრა და მინიმალური სხვაობით იმარჯვა (2:1). აღსანიშნავია, რომ აღნიშნული შედეგით ვილი სანიოლის გუნდს რეიტინგში 10.88 ქულა დაემატა.

საქართველოს ნაკრები ახლა 77 პოზიციაზე მყოფ უზბეკეთს 2 ქულით ჩამორჩება, რომელიც შესაძლოა ნოემბერში, ამხანაგური შეხვედრების წარმატებით დასრულების შემთხვევაში გაქვითოს.

...76. ისრაელი - 1316.55 ქულა

77. უზბეკეთი - 1309.98

78. საქართველო - 1307.34

79. ჩინეთი - 1305.06

80. ჰონდურასი - 1301.98...

საინტერესოა, რომ საქართველოს ნაკრებს უკვე ერთი წელია თამაშია არ წაუგია და გასული წლის ოქტომბრიდან მოყოლებული დღემდე 11 შეხვედრიდან 9 მოიგო, 2-ჯერ კი ფრე დაასრულა. აღნიშნული შედეგით, ნაკრებს ისტორიაში საუკეთესო დაუმარცხებელი მატჩების სერია აქვს. ვილი სანიოლის გუნდმა ერთა ლიგის C დივიზიონი საუკეთესო შედეგით დაასრულა, რისი წყალობითაც, ევრო 2024-ის პლეი ოფში გავიდა და 2024/25 წლების სეზონში ერთა ლიგის B დივიზიონში თამაშის უფლებაც მოიპოვა.

უნდა აღინიშნოს, რომ რეიტინგის პირველ ათეულში ერთადერთი ცვლილება განხორციელდა - იტალიისა და ესპანეთის ნაკრებებმა ადგილები გაცვალეს. ლიდერი ისევ ბრაზილიის ნაკრებია, მეორე ადგილზე ბელგიაა, ხოლო მესამე პოზიციას არგენტინის ნაკრები იკავებს.

1. ბრაზილია - 1841.3

2. ბელგია - 1816.71

3. არგენტინა - 1773.88

4. საფრანგეთი - 1759.78

5. ინგლისი - 1728.47

6. იტალია - 1726.14

7. ესპანეთი - 1715.22

8. ნიდერლანდები - 1694.51

9. პორტუგალია - 1676.56

10. დანია - 1666.57

FIFA მიმდინარე წლის საბოლოო რეიტინგს 22 დეკემბერს, მსოფლიოს ჩემპიონატის დასრულების შემდეგ გამოაქვეყნებს.

ხშირად ნანახი
Სარეკლამო
Სარეკლამო
მეტი სიახლეები ამბები
მეტის ჩვენება
Სარეკლამო