აშშ-ში გამოკითხულთა თითქმის 70% მიიჩნევს, რომ ჯო ბაიდენის ეკონომიკურმა პოლიტიკამ ქვეყნის ეკონომიკა ან დააზიანა, ან მასზე არანაირი გავლენა არ მოუხდენია, 33% კი ამბობს, რომ ბაიდენის ქმედებებმა „ეკონომიკა ძალიან დააზიანა“. ამის შესახებ გამოცემა Financial Times-ი წერს.

რესპონდენტთა მხოლოდ 14% ამბობს, რომ მათი მატერიალური მდგომარეობა იმაზე უკეთესია, ვიდრე ბაიდენის გაპრეზიდენტების დროს იყო.

კითხვაზე, რა წარმოადგენს მათი ფინანსური სტრესის ყველაზე მთავარ მიზეზს, რესპონდენტთა 82%-მა ფასების ზრდა დაასახელა. გამოკითხულთა 75%-მა აღნიშნა, რომ უახლოეს 6 თვეში აშშ-ის ეკონომიკისთვის ყველაზე სერიოზულ საფრთხეს ფასების ზრდა წარმოადგენს.

რესპონდენტთა 52% ამბობს, რომ „არაფერი“ ან „ცოტა რამ“ სმენია იმის შესახებ, თუ რას აკეთებს ბაიდენი ეკონომიკის გასაუმჯობესებლად.

აღსანიშნავია, რომ თეთრი სახლის ეკონომიკური საქმიანობის შესახებ ნეგატიური აზრი ჩამოყალიბდა სამუშაო ადგილების რეკორდული მატების მიუხედავად.