ჩრდილოეთ კორეის ლიდერი კიმ ჩენ ინი მზადაა, რუსეთთან იარაღის მიწოდებაზე შეთანხმება გააფორმოს. ამის შესახებ, ექსპერტების შეფასებებზე დაყრდნობით, გამოცემა Financial Times-ი წერს. როგორც გამოცემა აღნიშნავს, ჯერჯერობით უცნობია, რას შეიძლება ითვალისწინებდეს ასეთი შეთანხმება.

„ფხენიანს შეუძლია მოსკოვს მიაწოდოს საბრძოლო მასალები, ზალპური ცეცხლის რეაქტიული სისტემები და მცირე მანძილის ბალისტიკური რაკეტები - ეს დაეხმარება რუსეთს შეაჩეროს უკრაინის კონტრიერიში“, - აღნიშნავს გამოცემა.

Financial Times-ის ცნობით, ამის საპასუხოდ, მოსკოვმა შეიძლება ფხენიანს მარცვლეული, ნავთობი და სამხედრო ტექნოლოგიები შესთავაზოს. ჟურნალისტები აღნიშნავენ, რომ ჩრდილოეთ კორეისთვის სამხედრო ტექნოლოგიების გადაცემის შემთხვევაში, სამხრეთ კორეისა და იაპონიის წინააღმდეგ არსებული საფრთხე საგრძნობლად გაიზრდება.