შემდეგი წლიდან გერმანია, დანია და ნორვეგია უკრაინას 16 სლოვაკური ჰაუბიცა Zuzana-2-ით მოამარაგებენ. ინფორმაციას სააგენტო „როიტერსი“, გერმანიის თავდაცვის უწყებაზე დაყრდნობით ავრცელებს.

გერმანიის თავდაცვის სამინისტროს ცნობით, შორი მოქმედების იარაღი, რომელსაც წუთში ექვსი ჭურვის 40-კმ მანძილზე გასროლა შეუძლია, სლოვაკეთში აიწყობა.

სამი ევროპული ქვეყანა სისტემებზე 92 მილიონ ევროს დახარჯავს.