გერმანია მოლდოვას უპილოტო საფრენი აპარატებისა და სხვა სამხედრო აღჭურვილობის შეძენაში დაეხმარება

ამბები/ წყარო: ria.ru
გერმანია მოლდოვას უპილოტო საფრენი აპარატებისა და სხვა სამხედრო აღჭურვილობის შეძენაში დაეხმარება
ამბებიწყარო: ria.ru

გერმანია მოლდოვას უპილოტო საფრენი აპარატებისა და სხვა სამხედრო აღჭურვილობის შეძენაში დაეხმარება

1 ოქტ

erimedia_ravk/rgUBo5VVR.webp

გერმანია კიშინიოვს არმიისთვის სამხედრო უპილოტო საფრენი აპარატების და სხვა სამხედრო ტექნიკის შეძენაში დაეხმარება. ამის შესახებ შაბათს გამართულ ბრიფინგზე გერმანიის თავდაცვის მინისტრმა, კრისტინ ლამბრეხტმა განაცხადა.

მანამდე მოლდოვის რესპუბლიკის თავდაცვის მინისტრმა, ანატოლი ნოსატიმ მედიას განუცხადა, რომ მოლდოვას ეროვნული არმია 6,5 ათას სამხედრო მოსამსახურეს და 2 ათას სამოქალაქო პირს მოიცავს, ხოლო მისი სამხედრო აღჭურვილობა - ძველი საბჭოთა ტექნიკაა.

ხელისუფლება აცხადებს, რომ აუცილებლად მიაჩნიათ შეიარაღების შეძენა, რეგიონული კრიზისის შემთხვევაში ქვეყნის თავდაცვისუნარიანობის გაძლიერებისა და საზღვრების გამაგრებისათვის. ტელეარხებთან ინტერვიუში თავდაცვის სამინისტროს სახელმწიფო მდივანმა, ვალერი მიჟამ განაცხადა, რომ მოლდოვას არმია, ევროკავშირის პროგრამის ფარგლებში, 40 მილიონი ევროს ღირებულების თანამედროვე ჯავშანტექნიკას, საკომუნიკაციო საშუალებებს და უპილოტო საფრენ აპარატებს მიიღებს, რაც უკვე წელს ქვეყნის თავდაცვის ბიუჯეტის გამორმაგების საშუალებას იძლევა.

"საიდუმლო არ არის, რომ გერმანია მოლდოვას ქვეყნის ეროვნული არმიისთვის სამხედრო უპილოტო საფრენი აპარატების და სხვა სამხედრო ტექნიკის შეძენაში დაეხმარება. დეტალების შესახებ არ ვისაუბრებ: ახლა ამისათვის ყველაზე ხელსაყრელი დრო არ არის, მაგრამ გარწმუნებთ, რომ ამ საკითხთან დაკავშირებით საუკეთესო გადაწყვეტილებას მივაღწევთ", - განაცხადა გერმანიის თავდაცვის მინისტრმა, კრისტინ ლამბრეხტმა კიშინიოვში გამართულ ბრიფინგზე.

თავის მხრივ, მოლდოვის რესპუბლიკის თავდაცვის სამინისტროს ხელმძღვანელმა აღნიშნა, რომ გერმანია მოლდოვას დიდი ხანია მხარს უჭერს.

"მოლდოვას თავდაცვის სამინისტრო მრავალი წელია გერმანიასთან თანამშრომლობს. სწორედ მათი დახმარებით გარემონტდა იარაღის საწყობები და განადგურდა ვადაგასული სახიფათო საბრძოლო მასალა. ასევე, ჩვენი არმია უზრუნველყოფილი იქნა საბრძოლო მასალების გადასაზიდად საჭირო სატრანსპორტო საშუალებებით. გერმანიის თავდაცვის სამინისტროს წყალობით, მთელი რიგი მოლდოველი ოფიცრებისა გადიან სამხედრო წვრთნას“, - განაცხადა ანატოლი ნოსატიმ.

მოლდოვას ხელისუფლებამ არაერთხელ განაცხადა ნეიტრალიტეტის შენარჩუნების შესახებ, თუმცა, 1994 წლიდან მოყოლებული მოლდოვა, ინდივიდუალური პარტნიორობის გეგმის ფარგლებში, ნატო-სთან თანამშრომლობს. მოლდოვაში ასევე მდებარეობს ალიანსის საინფორმაციო ცენტრი.

ხშირად ნანახი
Სარეკლამო
Სარეკლამო
მეტი სიახლეები ამბები
საფრანგეთის პარლამენტის ორივე პალატის დეპუტატთა ჯგუფი საგარეო ჩარევის შესახებ კანონპროექტის ტექსტზე შეთანხმდა
იტალიის საგარეო საქმეთა მინისტრი - იტალია უკრაინისთვის მიწოდებული იარაღის რუსეთის ტერიტორიაზე დარტყმებისთვის გამოყენებას არ დაუშვებს
გერმანია უკრაინას რუსეთის ტერიტორიაზე მათ მიერ მიწოდებული იარაღის გამოყენების უფლებას აძლევს
სლოვაკეთის პრემიერ-მინისტრი საავადმყოფოდან გაწერეს
ვიქტორ ორბანი - ნატო ყოველ კვირას სულ უფრო უახლოვდება ომს
Სარეკლამო
„როიტერი“ - ჩინეთი შვეიცარიაში, ივნისში დაგეგმილ უკრაინის სამშვიდობო სამიტს არ შეუერთდება, რადგან მხარს უჭერს რუსეთის და უკრაინის თანასწორ მონაწილეობას
ნიუ იორკის ნაფიც მსაჯულთა სასამართლომ დონალდ ტრამპი სისხლის სამართლის საქმეზე დამნაშავედ ცნო
თეთრი სახლის ცნობით, ოფიციალური ვიზიტის ფარგლებში, ჯო ბაიდენი 8 ივნისს საფრანგეთში ჩავა
„პოლიტიკო“ - ჯო ბაიდენმა უკრაინას ფარულად მისცა უფლება, აშშ-ის მიერ მიწოდებული იარაღის გამოყენებით რუსეთის ტერიტორიაზე დარტყმები განახორციელოს, თუმცა მხოლოდ ხარკოვის მახლობლად
საფრანგეთში დეპუტატები უცხოური ჩარევის წინააღმდეგ კანონის ტექსტზე შეთანხმდნენ
მეტის ჩვენება
Სარეკლამო