11 სექტემბერი, 2022

გერმანიამ, მსოფლიოში პირველმა მატარებლები წყალბადის ძრავზე გადაიყვანა და დიზელზე უარი თქვა.

მატარებელს საწვავის შევსების გარეშე 1 000 კილომეტრის გავლა შეუძლია. საწვავის ელემენტებში, რომელიც ინახება მატარებლის სახურავზე, წყალბადი შერწყმულია ჟანგბადთან, რათა გამოიმუშავოს ენერგია.

„ჩვენ აღარ ვიყიდით დიზელის მატარებლებს, რათა უფრო მეტი გავაკეთოთ კლიმატის ცვლილებასთან საბრძოლველად. ჩვენ ასევე დარწმუნებული ვართ, რომ დიზელის მატარებლები მომავალში ეკონომიკურად მომგებიანი აღარ იქნება“, – განაცხადა გერმანიის რეგიონული სარკინიგზო ოპერატორის, „ელენვიჯის“ (LNVG) პრესსპიკერმა კარმენ შვაბლემ.

ავტორი - გივი ბარამიძე