გორის მუნიციპალიტეტის საკრებულოს რიგგარეშე სხდომაზე 2023 წლის ბიუჯეტი დაამტკიცეს. კენჭისყრაში მონაწილეობა „ნაციონალური მოძრაობის" წევრებს არ მიუღიათ.

მომდევნო წლის ბიუჯეტი 69 მლნ ლარით განისაზღვრა, აქედან 67 საშემოსავლოა, მომდევნო წლის ბიუჯეტი 2022 წლის ბიუჯეტს 13 მილიონ ხუთასი ათასით აღემატება.

სხდომა მცირე ხმაურის ფონზე მიმდინარეობდა, რაც მერისთვის დასმულ კითხვებს მოჰყვა. „ნაცმოძრაობის“ წევრებმა განაცხადეს, რომ ახალი ბიუჯეტი აცდენილია გორის მოსახლეობის ინტერესებს და პროტესტის ნიშნად დარბაზი დატოვეს.

ახალი წლის ბიუჯეტის ძირითადი პრიორიტეტებია ინფრასტრუქტურული, კულტურული და ახალგაზრდული პროექტები, ასევე, გარემოს დაცვა, განათლება და ჯანდაცვა.