ჰავაის კუნძულ მაუიზე მასშტაბური ხანძრის შედეგად დაკარგულ 1000 ადამიანს ამ დრომდე ეძებენ. ამის შესახებ CNN იუწყება. უკანასკნელი ცნობებით, 8 აგვისტოს დაწყებული სტიქიის შედეგად სულ მცირე 114 ადამიანია დაღუპული, ათასობით ადამიანი კი, იძულებით გადაადგილებულ პირად იქცა.

საგანგებო სიტუაციების სამსახურები ათასამდე უგზო-უკვლოდ დაკარგული ადამიანის ძებნას ამ დრომდე აგრძელებენ. გავრცელებული ცნობით, მაშველებმა უკვე შეძლეს სტიქიის შედეგად დაზარალებული ტერიტორიის 78%-ის დათვალიერება.

ამასთან, როგორც CNN წერს, ხანძრის შედეგად განადგურებული ტერიტორიების შესყიდვა უცხოელმა დეველოპერებმა უკვე დაიწყეს.

მაუის გუბერნატორმა, ჯოშ გრინმა უცხოური კომპანიები გააფრთხილა, რომ ყველა ასეთ შემთხვევას შეისწავლიან, ხოლო მიწის გაყიდვაზე მორატორიუმი დაწესდება. მისივე თქმით, მაუის მიწა ადგილობრივებს ეკუთვნით, რომლებიც ხანძრის შემდეგ განადგურებულ სახლებსა და ინფრასტრუქტურას თავად აღადგნენ.

გუბერნატორის შეფასებით, მაუის თითქმის 6 მილიარდი დოლარის ზარალი ემუქრება. ხანძრის შედეგად 2200-ზე მეტი შენობა განადგურდა.