იაპონია მორიგი ქვეყანა გახდა, რომელმაც მთვარისკენ მისია წარმატებით გაუშვა. ამის შესახებ BBC წერს.

გამოცემის ინფორმაციით, რაკეტა H-IIA მთვარის ორბიტას 4 თვეში მიაღწევს, ერთი თვის განმავლობაში დედამიწის ბუნებრივი თანამგზავრის ირგვლივ იმოძრავებს და მის ზედაპირზე დაჯდომას ამის შემდეგ, სავარაუდოდ თებერვალში შეეცდება.

მისიის ღირებულება 100 მილიონი დოლარია. წარმატების შემთხვევაში იაპონია მეხუთე ქვეყანა გახდება აშშ-ის, რუსეთის, ჩინეთისა და ინდოეთის შემდეგ, რომელსაც მთვარეზე საკუთარი აპარატი ეყოლება.

იაპონურმა რაკეტამ ასევე დედამიწის ორბიტაზე სატელიტი X-Ray Imaging and Spectroscopy Mission გაიყვანა, რომელიც იაპონიის, ამერიკისა და ევროპის კოსმოსური სააგენტოების ერთობლივი პროექტია. სატელიტზე განთავსებულია ტელესკოპი, რომელიც კოსმოსურ ფენომენებს შეისწავლის, მაგალითად შავ ხვრელებს.