იენს სტოლტენბერგი - პუტინის მიერ უკრაინაში საომრად დამატებით ათასობით სამხედროს მობილიზება მოულოდნელი არ ყოფილა, თუმცა ეს კონფლიქტის ესკალაციას გამოიწვევს
21 სექტემბერი, 2022
რუსეთის პრეზიდენტის მიერ უკრაინაში საომრად დამატებით ათასობით სამხედროს მობილიზება მოულოდნელი არ ყოფილა, თუმცა ეს კონფლიქტის ესკალაციას მოახდენს. ამის შესახებ ნატო-ს გენერლაურმა მდივანმა სააგენტო „როიტერთან“ ინტერვიუში განაცხადა.
სტოლტენებრგის შეფასებით, პუტინის მუქარა, გამოიყენოს ბირთვული იარაღი, არის საშიში და უგუნური რიტორიკა.
ნატო-ს გენერალური მდივნის თქმით, პუტინის გადაწყვეტილება აჩვენებს, რომ ომი არ მიდის მისი გეგმების შესაბამისად და აშკარაა, რომ რუსეთის პრეზიდენტმა დიდი შეცდომა დაუშვა.
„ჩვენ უზრუნველვყოფთ, რომ მოსკოვში არ იყოს გაუგებრობა იმასთან დაკავშირებით, თუ როგორი იქნება ჩვენი რეაგირება. რა თქმა უნდა, ეს დამოკიდებულია იმაზე, რა სიტუაცია შეიქმნება ან რა იარაღს გამოიყენებენ ისინი. ყველაზე მნიშვნელოვანია ამის თავიდან აცილება და სწორდ ამიტომ ჩვენ რუსეთთან კომუნიკაციისას მკაფიო ვართ უპრეცედენტო შედეგებთან დაკავშირებით“, – განაცხადა სტოლტენბერგმა.
ნატო-ს გენერალური მდივნის განმარტებით, მობილიზაციას სჭირდება არჭურვილიბა, ამ ეტაპზე კი თვალსაჩინოა, რომ რუსული ჯარი არის ცუდად აღჭურვილი და მათ აქვთ პრობლემები ლოგისტიკასთან დაკავშირებით.
ავტორი - ქეთი ჩოხელი
