5 სექტემბერი, 2022

წელს, 7 თვეში, საქართველო-გაერთიანებულ სამეფოს შორის სავაჭრო ბრუნვამ 63,256 მლნ აშშ დოლარი შეადგინა, რაც 5,379 მლნ აშშ დოლარით მეტია 2021 წლის ანალოგიური პერიოდის მაჩვენებელზე. საქსტატის მონაცემებით, გასული წლის იანვარ-ივლისში სავაჭრო ბრუნვა 57,878 მლნ აშშ დოლარი იყო.

რაც შეეხება კონკრეტულად ექსპორტ-იმპორტის მაჩვენებელს, წელს 7 თვეში საქართველოდან ბრიტანეთში 7,425 მლნ აშშ დოლარის პროდუქტი გავიდა, წინა წლის ანალოგიურ პერიოდში - 12,002 მლნ აშშ დოლარის.

ამასთან, 2022 წელს (იანვარ-ივლისში) გაერთიანებული სამეფოდან საქართველომ 55,830 მლნ აშშ დოლარის საქონელი შეიძინა, 2021 წლის ანალოგიურ პერიოდში - 45,875 მლნ აშშ დოლარის.

სტატისტიკის ეროვნულ სამსახურზე დაყრდნობით, „ბიზნესპრესნიუსი“ გთავაზობთ ინფორმაციას, რას ვყიდით და ვყიდულობთ დიდ ბრიტანეთში.

ტოპ-10 ექსპორტირებული საქონელი, 2022 წლის 7თვის მონაცემი:

• ფეროშენადნობები - 1,563 მლნ აშშ დოლარი
• ყურძნის ნატურალური ღვინოები - 1,034 მლნ აშშ დოლარი
• ეთილის სპირტი არადენატურირებული, სპირტის კონცენტრაციით 80%-ზე ნაკლები, სპირტიანი სასმელები - 869.2 ათასი აშშ დოლარი
• სხვა ნაკეთობები ძვირფასი ლითონებისგან - 820.1 ათასი აშშ დოლარი
• კოსტუმები, კომპლექტები, კომბინეზონები, ბრიჯები და შორტები, ქალისა ან გოგონასი - 724.1 ათასი აშშ დოლარი
• მანგანუმის ოქსიდები - 618 ათასი აშშ დოლარი
• ბლუზები, პერანგები და "ბატინკები" ქალის ან გოგონასი - 546.9 ათასი აშშ დოლარი
• რეზინის პნევმატური სალტეები და საბურავები, ახალი - 537 ათასი აშშ დოლარი
• მზა ნაწარმი სხვა, ტანსაცმლის თარგების ჩათვლით - 107.4 ათასი აშშ დოლარი
• ნარჩენები და ჯართი შავი ლითონების - 73 ათასი აშშ დოლარი