ირაკლი ღარიბაშვილი და იგნასიო კასისი გაეროს გენერალური ასამბლეის ფარგლებში გამართულ შეხვედრას ეხმაურებიან
22 სექტემბერი, 2022
"გაერთიანებული ერების ორგანიზაციის გენერალური ასამბლეის ფარგლებში იგნასიო კასისთან ნაყოფიერი შეხვედრა მქონდა. ყურადღება გავამახვილეთ ურთიერთობების გაღრმავების გზით ინსტიტუციური თანამშრომლობის გაფართოებაზე. ვაპირებთ გამოვიკვიოთ ახალი გზები ჩვენს ეკონომიკურ თანამშრომლობაში, რათა გამოვავლინოთ მისი სრული პოტენციალი", - ამის შესახებ საქართველოს პრემიერ-მინისტრმა, ირაკლი ღარიბაშვილმა სოციალურ ქსელ „ტვიტერში“ დაწერა.
თავის მხრივ, საქართველოს პრემიერ-მინისტრ ირაკლი ღარიბაშვილთან შეხვედრას სოციალურ ქსელ „ტვიტერში” ეხმაურება შვეიცარიის კონფედერაციის პრეზიდენტი, იგნასიო კასისი:
"გაერთიანებული ერების ორგანიზაციის გენერალური ასამბლეის ფარგლებში ნაყოფიერი შეხვედრა მქონდა საქართველოს პრემიერ-მინისტრ, ირაკლი ღარიბაშვილთან.
შეხვედრის მთავარი თემები იყო ჩვენი შესანიშნავი ორმხრივი ურთიერთობები და რეგიონალური საკითხები, მათ შორის: ომი უკრაინაში, უსაფრთხოება ევროპაში, ენერგეტიკული კრიზისი და შვეიცარიის, როგორც დამცავი ძალის მანდატი საქართველოსა და რუსეთს შორის", - წერს ტვიტერში შვეიცარიის კონფედერაციის პრეზიდენტი, იგნასიო კასისი.
