erimedia_ravk/3CaqxmFIR.jpeg

ირაკლი გოგავა - ბიძინა ივანიშვილის პოლიტიკაში დაბრუნება ნიშნავს იმას, რომ შემდეგი ორი წელი მნიშვნელოვანი მოვლენებით იქნება გაჯერებული

ამბები
ირაკლი გოგავა - ბიძინა ივანიშვილის პოლიტიკაში დაბრუნება ნიშნავს იმას, რომ შემდეგი ორი წელი მნიშვნელოვანი მოვლენებით იქნება გაჯერებული
ამბები

ირაკლი გოგავა - ბიძინა ივანიშვილის პოლიტიკაში დაბრუნება ნიშნავს იმას, რომ შემდეგი ორი წელი მნიშვნელოვანი მოვლენებით იქნება გაჯერებული

erimedia_ravk/3CaqxmFIR.jpeg
31 დეკ

საერთაშორისო ურთიერთობების ექსპერტი, პოლიტოლოგი ირაკლი გოგავა ბიძინა ივანიშვილის პოლიტიკაში დაბრუნებასთან დაკავშირებით სოციალურ ქსელში საკუთარ მოსაზრებას აქვეყნებს, რომელსაც უცვლელად გთავაზობთ:

"ბიძინა ივანიშვილის პოლიტიკაში დაბრუნება იმას ნიშნავს, რომ შემდეგი ორი წელი მნიშვნელოვანი მოვლენებით იქნება გაჯერებული. ეს მოვლენები კი მთავარი პირის უშუალოდ "ჩარხთან" დგომას ითხოვს. რა მოვლენებთან შეიძლება გვქონდეს საქმე?

1. მიუხედავად იმისა, რომ კოლექტიური დასავლეთი კოალიციურ მთავრობას ითხოვს, რათა ადვილად მართოს პოლიტიკური პროცესები ჩვენს ქვეყანაში, "ოცნება" დიდი ალბათობით საკონსტიტუციო უმრავლესობას აიღებს. ეს კი ნიშნავს იმას, რომ 2025 წელს საკონსტიტუციო ცვლილებები შეიძლება მოხდეს. საკონსტიტუციო ცვლილებების ხასიათი მეორე საკითხის მსვლელობაზე იქნება დამოკიდებული.

2. პრემიერ ირაკლი ღარიბაშვილის განცხადება ცხადჰყოფს "დაბრუნების" ერთ-ერთ მთავარ მოტივს: "ბიძინა ივანიშვილის მთავარი მიზანი და ოცნება არის ქვეყნის გაერთიანება, ქვეყანა უნდა მომზადდეს გასაერთიანებლად, ამ დიდ ეროვნულ საქმეში მისი როლი იქნება უნიკალური და შეუცვლელი".

ქვეყნის გაერთიანების კონტურები ჩანს, აზრი მწიფდება რუსეთშიც და თუ ხელისუფლება გეგმაზომიერად გაყვება ამ საკითხს, ხალხი მხარს დაუჭერს. კარნეგის ევროპული ცენტრის და მიქელაძის ფონდის კვლევით, თუ ასარჩევად იდგება საკითხი: ერთის მხრივ, ნატო და ევროკავშირი და მეორეს მხრივ, ტერიტორიული მთლიანობა, ქართველების 78% ტერიტორიულ მთლიანობას ირჩევს.

თუ ეს საკითხი მკვდარი წერტილიდან დაიძრა, სავსებით ნათელია ივანიშვილის დაბრუნების მნიშვნელობა, ეს იმ რანგის თემაა, რომელიც უშუალოდ მან უნდა მოაგვაროს, თანაც ოფიციალური სტატუსით. მმართველი პარტიის საპატიო თავმჯდომარეობა შესაძლოა არ იყოს ამ მისიისთვის საკმარისი და ივანიშვილი ქვეყნის პრეზიდენტად ვიხილოთ.

3. ბ. ივანიშვილის განცხადება, რომ "სანქცირებული ვარ, უკრაინის ომის დაწყებიდან ერთ თვეში ყველა აქტივი გამიყინეს" კიდევ ერთხელ ადასტურებს, რომ ზეწოლა საქართველოზე მეორე ფრონტის გახსნის საკითხზე ნამდვილად იყო, არის და გრძელდება. ამდენად, ივანიშვილს საქართველოს და საკუთარი თავის უბედურებისგან დასაცავად აქტიური სტატუსი სჭირდება. ჩვენ გვესმის, რომ ეს მშვიდობიანი გარემო, როდესაც რუსიც და უკრაინელიც საქართველოს თავშესაფრად იყენებს, თავისით არ მოსულა და უღრუბლო ცა ივანიშვილის პირადი რისკების და მსხვერპლის ხარჯზე გვაქვს.

4. უცხოეთის კმაყოფაზე მყოფი ნეოლიბერალური ოპოზიცია "პლინტუსის" ქვემოთაა. ივანიშვილმა მთელი "მეხუთე კოლონა" თავის უცხოელ დიპლომატებიანად "ჭაში ნაჯაჯგუნებ ვედროს" დაამსგავსა. მათი კოლექტიური რეიტინგი 12%-ია, ნებისმიერ საზოგადოებაში მარგინალების რიცხვი ზუსტად ამდენს შეადგენს. ოპოზიციას და მათ მედიას ცოტა თუ უსმენს. ქვეყანა ოპოზიციის გარეშეა დარჩენილი. ივანიშვილი აცხადებს, რომ მისი მიზანი "ჭარბად მოძლიერებული გუნდის ადამიანური ცდუნებებისგან დაცვაა". ეს საშური საქმეა. კონტროლის გამკაცრება თუ მოხდება, ხალხი იხეირებს და ეკონომიკის ზრდის ტემპს 2-3% დაემატება. სწორედ ამ "ადამიანური ცდუნებების" გამო არის კარტელის ელემენტები სხვადასხვა სფეროში: საწვავი, აფთიაქები, სურსათის იმპორტი, სურსათით საცალო ვაჭრობა, სასუქები, თხილი ... სოფლის მეურნეობა საერთოდ მიტოვებულია და ფრაგმენტული სუბსიდიებით ხდება პოლიტიკის იმიტაცია. მაგრამ ყველაზე დიდი პრობლემა საბანკო-საფინანსო სექტორია, რომელიც არ მუშაობს ქართული ეკონომიკის ინტერესების შესაბამისად და მსოფლიოში ყველაზე მაღალ მოგებებს აფიქსირებს წლიდან წლამდე.

5. ივანიშვილის დაბრუნება პოლიტიკაში აღძრავს იმედს, რომ იქნებ ამჯერად მოხერხდეს მთელი მსოფლიოდან საუკეთესო ქართული ტვინების მობილიზება საქართველოსთვის და სახელმწიფოს შენების ახალი გეგმის შემუშავება, რომლითაც დავუსხლტებით თავს მოხვეულ ნეოკოლონიალურ მოდელს. ნეპოტიზმი ძალიან დიდ ზიანს აყენებს ჩვენს ქვეყანას. უვიცის მიერ მართული დარგი, სფერო, რეგიონი, სექტორი ვერ განვითარდება, პირიქით ზიანს მოიტანს. ჩვენ მერიტოკრატია გვჭირდება.

დასკვნა: ივანიშვილის დაბრუნება პოლიტიკაში აშკარად პოზიტიური მოლოდინების წინაპირობაა. ვემზადებით დიდი მოვლენებისთვის", - წერს სოციალურ ქსელში ირაკლი გოგავა.

ხშირად ნანახი
Სარეკლამო
Სარეკლამო
მეტი სიახლეები ამბები
სახელმწიფო დეპარტამენტი - აშშ ბელარუსში ჩატარებულ ფიქტიურ საპარლამენტო და ადგილობრივ არჩევნებს გმობს
პოლონეთში უკრაინის ელჩი პოლონეთის ხელისუფლებას მოუწოდებს, უკრაინული მარცვლეულის გადმოყრისთვის დამნაშავეები დასაჯონ
რეჯეფ თაიფ ერდოღანი - თურქეთი დგამს მტკიცე ნაბიჯებს, რათა გახდეს არა მხოლოდ რეგიონული, არამედ გლობალური ძალა
აზერბაიჯანის საგარეო საქმეთა მინისტრის ცნობით, სამშვიდობო ხელშეკრულებაზე მოლაპარაკების მიზნით, უახლოეს დღეებში აზერბაიჯანისა და სომხეთის დელეგაციების შეხვედრა გაიმართება
ჩინეთმა საქართველოს მოქალაქეებისთვის უვიზო მიმოსვლა დააწესა
Სარეკლამო
ირაკლი კობახიძესა და ნიკოლ ფაშინიანს შორის სატელეფონო საუბარი შედგა
ირაკლი კობახიძე - ბრიუსელში გამოიკვეთა განსაკუთრებული კეთილგანწყობა ქვეყნის, დელეგაციის მიმართ, ჯოზეფ ბორელმა ასოცირების საბჭოს სხდომა შეაფასა, როგორც საუკეთესო, რაც კი ოდესმე ჩატარებულა
„როიტერი“ - ევროკავშირის ქვეყნები შეთანხმდნენ, რომ yandex-ის თანადამფუძნებელს, არკადი ვოლოჟის სანქცირებულთა სიიდან ამოიღებენ
დიმიტრი მედვედევი აცხადებს, რომ „სპეციალური სამხედრო ოპერაციის“ მიზნების მისაღწევად შესაძლოა, კიევამდე მისვლა გახდეს საჭირო
„პოლიტიკოს“ ცნობით, ჯო ბაიდენი ნატო-ს გენერალური მდივნის პოსტზე მარკ რუტეს კანდიდატურას უჭერს მხარს
მეტის ჩვენება
Სარეკლამო