ირაკლი ქადაგიშვილი - უმრავლესობა ოპოზიციასთან ერთად შეეცდება, მოძებნოს სახალხო დამცველის ღირსეული კანდიდატი, რომელიც გარკვეული პოლიტიკური გუნდის ან მიმდინარეობის წარმომადგენელი არ იქნება
19 სექტემბერი, 2022
პარლამენტის მიერ საქართველოს სახალხო დამცველის არჩევისას კენჭისყრა ღია ხდება. რეგლამენტში შესატან ამ ცვლილებას საპროცედურო საკითხთა და წესების კომიტეტი დღეს განიხილავს. კომიტეტის თავმჯდომარის განმარტებით, ცვლილება მნიშვნელოვნად შეუწყობს ხელს, ინკლუზიურად წარიმართოს სახალხო დამცველის კანდიდატურების შერჩევის პროცედურა.
„საპროცედურო საკითხთა კომიტეტზე ლევან იოსელიანი ინიციატივით გამოდის, რომ სახალხო დამცველის არჩევა მოხდეს არა ფარული, არამედ ღია კენჭისყრით. ამ პრინცისთვის მხარდაჭერა გადაწყვეტილია უმრავლესობაშიც. უმრავლესობა თავის კანდიდატურის წამოყენებას არ აპირებს და შეეცდება ოპოზიციასთან ერთად მოძებნოს ისეთი კანდიდატი, რომელიც იქნება ღირსეული და არ იქნება გარკვეული პოლიტიკური გუნდის ან მიმდინარეობის წარმომადგენელი“, - განაცხადა ირაკლი ქადაგიშვილმა.
