24 სექტემბერი, 2022

ჩრდილოეთ მაკედონიასთან ხვიჩა კვარაცხელიას წარმატებულ თამაშს ბევრი ევროპული გამოცემა გამოეხმაურა, რადგან საქართველოს ნაკრების და „ნაპოლის“ თავდამსხმელის მიმართ დიდი ინტერესია.

„ნაპოლის“ ოფიციალური გვერდი – კვარაცხელიამ გაიტანა და მატჩის გმირი გახდა:

„ელიფ ელმასმა და ხვიჩა კვარაცხელიამ ითამაშეს უეფა-ს ერთა ლიგაზე საქართველოსა და მაკედონიის მატჩში, რომელიც საქართველოს ნაკრების გამარჯვებით 2-0 დასრულდა. მატჩის გმირმა კვარაცხელიამ პირველ ტაიმში ჯერ თავისი მოქმედებით მიოვსკის ავტოგოლი გამოიწვია, შემდეგ კი გადამწყვეტი გოლი გაიტანა.“

„სკაი სპორტ იტალია“ – კვარაცხელია ამჯერად ნაკრების გმირია:

„ხვიჩა კვარაცხელია კვლავ მთავარი გმირია, ამჯერად ეროვნულ ნაკრებში. „ნაპოლის“ ახალგაზრდამ ჯერ ავტოგოლი გაატანინა მეტოქეს, შემდეგ კი კონტრშეტევაზე ზივზივაძის პასით გაიტანა.“

„ეკიპა“ (ჩრდილოეთ მაკედონიური გამოცემა) – კვარაცხელიამ ჩრდილოეთ მაკედონიას თბილისში მატი გაუკეთა:

„ჩრდილოეთ მაკედონია საქართველოსთან ერთა ლიგაზე მეორედ დამარცხდა. მასპინძლებმა C ლიგის მე-5 ტურის მატჩი ამჯერად 2:0 მოიგეს. ფენომენალური კონტრშეტევის შემდეგ კვარაცხელიამ გააორმაგა თავისი გუნდის უპირატესობა. მაკედონიას უეფა-ს ევრო 2024-ზე მოსახვედრად ბრძოლა კვალიფიკაციის გზით მოუწევს.“

„100×100 ნაპოლი“ – ნეაპოლიტანური დერბი ელმასს კვარამ მოუგო:

„კვარაცხელია ელმასის წინააღმდეგ. ნეაპოლიტანური დერბი ელმასის ჩრდილოეთ მაკედონიასთან ერთა ლიგაზე ქართველი თავდამსხმელის საქართველოს საშინაო მოგებით დასრულდა. თბილისში „ნაპოლის“ თავდამსხმელმა მოქმედებით ჯერ მიოვსკის ავტოგოლის პროვოცირება მოახდინა, შემდეგ კი კონტრშეტევაზე 2:0 გახადა. ელმასმაც და კვარაცხელიამაც მთელი თამაში ითამაშეს.“

„ა ბოლა“ (პორტუგალია) - კვარაცხელიამ საქართველოს ნაკრების დაწინაურება უზრუნველყო:

„ნაპოლიში” შესანიშნავი სტარტის შემდეგ, კვარაცხელია დაბრუნდა ნაკრებში და შესარჩევ რაუნდშიც შესანიშნავი თამაში აჩვენა. საქართველომ მოგებით ერთა ლიგის B დივიზიონში დაწინაურებას მიაღწია. კავკასიური ქვეყნის ნაკრები პირველ ადგილზეა 13 ქულით და ექვსით მეტი აქვს, ვიდრე ჩრდილოეთ მაკედონიას.“

ავტორი - მერაბ მამულაშვილი