ირანი ისრაელზე ფართომასშტაბიანი თავდასხმისთვის ემზადება, – ამის შესახებ ისრაელის თავდაცვის მინისტრმა, იოავ გალანტმა ამერიკელ კოლეგასთან, ლოიდ ოსტინთან საუბრის დროს განაცხადა.

გამოცემა „აქსიოსი“ წერს, რომ, ისრაელის დაზვერვის განახლებული შეფასებით, ირანი მზად არის, პირდაპირ შეუტიოს ისრაელს თეირანში „ჰამასის“ პოლიტიკური ლიდერის, ისმაილ ჰანიეს მკვლელობის საპასუხოდ და, სავარაუდოდ, ამას რამდენიმე დღეში გააკეთებს.

დაზვერვის ახალი შეფასება მიუთითებს, რომ თავდასხმა, შესაძლოა, 15 აგვისტოს დაგეგმილი ცეცხლის შეწყვეტის შეთანხმების მოლაპარაკებების წინ მოხდეს.

ისრაელის სადაზვერვო საზოგადოება ფიქრობს, რომ სავარაუდოდ პირველ შეტევას „ჰეზბოლა“ განახორციელებს, რასაც საკუთარი პირდაპირი შეტევით შესაძლოა ირანიც შეუერთდეს.