erimedia_ravk/Oa7wM0ZSg.jpeg

ისრაელის მოქალაქეებს 30 ნოემბრიდან აშშ-ში უვიზოდ შეეძლებათ გამგზავრება

ამბები
ისრაელის მოქალაქეებს 30 ნოემბრიდან აშშ-ში უვიზოდ შეეძლებათ გამგზავრება
ამბები

ისრაელის მოქალაქეებს 30 ნოემბრიდან აშშ-ში უვიზოდ შეეძლებათ გამგზავრება

erimedia_ravk/Oa7wM0ZSg.jpeg
28 სექ

აშშ-ის ხელისუფლებამ ისრაელი უვიზო რეჟიმის პროგრამაში ჩასვა. ამგვარად, 30 ნოემბრიდან ისრაელის მოქალაქეებს აშშ-ში ტურისტული ან საქმიანი ვიზიტით 90 დღემდე ვადით უვიზოდ შეეძლებათ გამგზავრება. ამისთვის მათ მხოლოდ მოგზაურთა ქვეყანაში შესვლის ნებართვის ელექტრონულ სისტემაში (ESTA) რეგისტრაცია დასჭირდებათ.

აშშ-ში აცხადებენ, რომ, ისრაელთან სავიზო რეჟიმის გაუქმებით, დასავლეთ ნაპირზე და აშშ-ში მცხოვრები პალესტინელი ამერიკელები ასევე შეძლებენ ისრაელში უვიზოდ ჩასვლას და ბენ-გურიონის აეროპორტით სარგებლობას.

უვიზო რეჟიმის პროგრამაში ჩასასმელად, ვაშინგტონი ქვეყნებისგან გარკვეული პირობების დაკმაყოფილებას ითხოვს ისეთ საკითხებში, როგორებიცაა ტერორიზმის წინააღმდეგ ბრძოლა, სამართალდამცავი საქმიანობა, იმიგრაცია, დოკუმენტების უსაფრთხოება და საზღვრის მართვა. ვაშინგტონი ასევე აღნიშნავს, რომ აშშ-თან უვიზო რეჟიმის მისაღებად, ქვეყნები თანასწორუფლებიანად უნდა მოეპყრან აშშ-ის ყველა მოქალაქეს, განურჩევლად მათი ეთნიკური წარმომავლობისა და რელიგიისა.

ამასთან, „როიტერის“ ცნობით, ისრაელის შემთხვევაში, ეს ნიშნავს ბენ-გურიონის აეროპორტში პალესტინელი ამერიკელებისთვის თავისუფლად გასვლის უზრუნველყოფას.

აშშ-ის ხელისუფლების წარმომადგენელთა ცნობით, იორდანეს დასავლეთ ნაპირზე 45 ათასიდან 60 ათასამდე პალესტინელი ამერიკელი ცხოვრობს. ისრაელის ხელისუფლების მონაცემებით, ეს რიცხვი გაცილებით ნაკლებია და 15 ათასიდან 20 ათასამდე მერყეობს.

აშშ-ის უვიზო რეჟიმის პროგრამაში დაახლოებით 40 ქვეყანა შედის.

ხშირად ნანახი
Სარეკლამო
Სარეკლამო
მეტი სიახლეები ამბები
ქნესეთმა დაამტკიცა ბენიამინ ნეთანიაჰუს შუამდგომლობა პალესტინის სახელმწიფოს ცალმხრივი აღიარების წინააღმდეგ
ასოცირების საბჭო - ვადასტურებთ მხარდაჭერას საქართველოსთან ურთიერთობების გაძლიერების მიმართ, ხაზს ვუსვამთ ასოცირების შეთანხმების პოტენციალის სრულად გამოყენების მნიშვნელობას
ირაკლი კობახიძე დღეს ბრიუსელში რობერტა მეცოლას და იენს სტოლტენბერგს შეხვდება
გიორგი ბარვენაშვილი პარლამენტში ირაკლი კობახიძის ადგილმონაცვლედ დაამტკიცეს
ნინო წილოსანი პარლამენტის ვიცე-სპიკერი გახდა
Სარეკლამო
რეჯეფ თაიფ ერდოღანი - ბაქო-თბილისი-ყარსის სარკინიგზო ხაზიდან მაქსიმალური ეფექტურობის მისაღებად განახლების სამუშაოები სასწრაფოდ უნდა დასრულდეს
საპარლამენტო უმრავლესობის დღევანდელ სხდომაზე რამდენიმე საკადრო გადაწყვეტილება მიიღეს
ჯანდაცვის სამინისტროს ინფორმაციით, რესპუბლიკური საავადმყოფოს 350-მდე თანამშრომელმა სამინისტროს მიერ შეთავაზებული საკომპენსაციო პაკეტი უკვე აირჩია
NDI წინასაარჩევნო სადამკვირვებლო მისიას იწყებს
„პოლიტიკო“ - დასავლეთის ქვეყნების გეგმა ახლა არის უკრაინის არმიის დაშლის თავიდან აცილება
მეტის ჩვენება
Სარეკლამო