„ჰეზბოლა“ ძალიან სახიფათო თამაშს თამაშობს,- ამის შესახებ ისრაელის თავდაცვის ძალებში განაცხადეს.

„ჯერჯერობით ჩვენი პასუხი მოზომილი და ტაქტიკური იყო და საზღვართან (ლიბანთან) მახლობლად მდებარე ტერიტორიებით შემოიფარგლებოდა. „ჰეზბოლა“ ძალიან, ძალიან სახიფათო თამაშს თამაშობს. ისინი სიტუაციის ესკალაციას ცდილობენ, ჩვენ ყოველდღიურად უფრო და უფრო მეტ თავდასხმას ვხედავთ. მზად არის კი ლიბანის სახელმწიფო, ღაზაში ტერორისტების გულისთვის ლიბანის კეთილდღეობას და სუვერენიტეტს საფრთხე შეუქმნას?!“, – განაცხადა ისრაელის თავდაცვის ძალების წარმომადგენელმა, ჯონათან კონრიკუსმა.

არსებული მდგომარეობის გამო ისრაელის ხელისუფლების გადაწყვეტილებით, ლიბანთან ახლოს მდებარე დასახლებებიდან ისრაელის მოქალაქეების ევაკუაცია დაიწყო.