ისრაელში სასამართლო რეფორმის წინააღმდეგ საპროტესტო აქცია გაიმართა
ისრაელში სასამართლო რეფორმის საკითხზე მთავარი გადაწვეტილების მიღებამდე საპროტესტო აქციები გაიმართა.
როგორც Times of Israel წერს, მთავარ საპროტესტო აქციაზე თელ-ავივში დაახლოებით 118 000 დემონსტრანტი შეიკრიბა. მედიის ცნობით, აქციები ათასობით სხვა ქალაქსა და გზაჯვარედინებზე მთელი ქვეყნის მასშტაბით გაიმართა. დემონსტრანტებმა გზატკეცილები გადაკეტეს.
აქციის მონაწილეებმა პროტესტი კოალიციის სასამართლო რეფორმის კანონმდებლობის წინააღმდეგ გამოხატეს. საპროტესტო აქციები უზენაეს სასამართლოში მომავალ კვირაში საკვანძო დაპირისპირებამდე რამდენიმე დღით ადრე გაიმართა.
ცვლილების თანახმად, უახლესი კანონმდებლობა უკრძალავს სასამართლოს გააუქმოს მინისტრთა კაბინეტის ან მინისტრების გადაწყვეტილებები მათი „უკიდურესი არაგონივრობის“ საფუძველზე.
სასამართლო რეფორმამ მთელი ქვეყნის მასშტაბით ყოველკვირეული პროტესტი გამოიწვია. მომხრეები ამბობენ, რომ სასამართლო რეფორმა აღადგენს ბალანსს ხელისუფლების შტოებში, ხოლო, კრიტიკოსების თქმით, რეფორმა აუქმებს სასიცოცხლო მნიშვნელობის შემოწმებებს მთავრობის უფლებამოსილებებზე.
