ისრაელში ვიზიტის ფარგლებში ირაკლი ღარიბაშვილი იერუსალიმის პატრიარქს თეოფილე III-ს შეხვდა
![erimedia_ravk/sstOMnRIg.jpeg](https://cdn.u.media/max/w728/erimedia_ravk/sstOMnRIg.jpeg)
საქართველოს პრემიერ-მინისტრი ირაკლი ღარიბაშვილი იერუსალიმის პატრიარქს თეოფილე III-ს შეხვდა.
ირაკლი ღარიბაშვილმა და თეოფილე III-მ საქართველოსა და იერუსალიმის ეკლესიებს შორის არსებულ ისტორიულ კავშირებსა და მსოფლიოში არსებულ ვითარებაზე ისაუბრეს. ხაზი გაუსვეს მსოფლიოში მშვიდობისა და სტაბილურობის მნიშვნელობას.
თეოფილე III-მ პრემიერ-მინისტრს სრულიად საქართველოს კათოლიკოს-პატრიარქთან, უწმინდესთან და უნეტარესთან ილია მე- II-სთან გულთბილი მოკითხვა დააბარა.
იერუსალიმის პატრიარქმა საქართველოს მთავრობის მეთაური და დელეგაციის წევრები დალოცა და მათ წარმატებები უსურვა.
იერუსალიმის პატრიარქმა პრემიერ-მინისტრს საპატრიარქოში უმასპინძლა.
ირაკლი ღარიბაშვილი, დელეგაციასთან ერთად, იერუსალიმში მაცხოვრის აღდგომის ტაძარში იმყოფებოდა, სადაც მაცხოვრის ყოვლადწმინდა საფლავი და გოლგოთა მოილოცა.
![erimedia_ravk/WWxKGngSg.jpeg](https://cdn.u.media/max/w728/erimedia_ravk/WWxKGngSg.jpeg)
![erimedia_ravk/GhVKM7gSg.jpeg](https://cdn.u.media/max/w728/erimedia_ravk/GhVKM7gSg.jpeg)
![erimedia_ravk/44ocGnRIg.jpeg](https://cdn.u.media/max/w728/erimedia_ravk/44ocGnRIg.jpeg)
![erimedia_ravk/yIw5M7gIg.jpeg](https://cdn.u.media/max/w728/erimedia_ravk/yIw5M7gIg.jpeg)