ჯაბა სამუშიამ „კრწანისობის“ დღესასწაულზე მეფე ერეკლეს შესახებ ლექცია წაიკითხა
24 სექტემბერი, 2022
ტრადიციულ დღესასწაულ “კრწანისობასთან“ დაკავშირებული 300 არაგველის სახელობის სკვერში ღონისძიება გაიმართა. შოთა რუსთაველის საქართველოს ეროვნული სამეცნიერო ფონდის გენერალურმა დირექტორმა, ისტორიის მეცნიერებათა დოქტორმა, საქართველოს მეცნიერებათა ეროვნული აკადემიის აკადემიკოსმა, ივანე ჯავახიშვილის სახელობის თბილისის სახელმწიფო უნივერსიტეტის პროფესორმა ჯაბა სამუშიამ წაიკითხა სამეცნიერო-პოპულარული ლექცია, მეფე ერეკლესა და კრწანისის ბრძოლის შესახებ.
ისაუბრა ერეკლე მეორის ცხოვრებასა და მოღვაწეობაზე, იმდრონდელი საქართველოს რთულ საშინაო და საგარეო ვითარებაზე, კრწანისის ბრძოლის მიმდინარეობასა და მის მნიშვნელობაზე.
ღონისძიების ფარგლებში გაიმართა ძველი ქართულ -კავკასიური საბრძოლო იარაღისა და ქართული ეროვნული სამოსის გამოფენა, შედგა კონცერტი ანსამბლ „შვიდკაცასა“ და ფოლკლორულ ანსამბლ „თბილისის“ მონაწილეობით. ამ ტრადიციული ღონისძიების ორგანიზატორია, ქალაქ თბილისის მუნიციპალიტეტის კრწანისის რაიონის გამგეობა.
