აშშ-ის მიერ უკრაინის დაფინანსების ფანჯარა იხურება, – ამის შესახებ ეროვნული უსაფრთხოების საკითხებში პრეზიდენტის მრჩეველმა, ჯეიკ სალივანმა განაცხადა.

მისივე თქმით, შეერთებული შტატების კონგრესმა თეთრი სახლის მოთხოვნა უკრაინის დახმარების შესახებ რაც შეიძლება მალე უნდა დაამტკიცოს, რათა უკრაინის თავდაცვამ სერიოზული შედეგები აიცილოს თავიდან.

„რაც უფრო დრო გადის, სულ უფრო რთულდება ჩვენი შესაძლებლობა, სრულად დავაფინანსოთ ის, რაც გვჯერა, რომ აუცილებელია იმისთვის, რომ უკრაინას ჰქონდეს საჭირო ინსტრუმენტები და შესაძლებლობები, როგორც ტერიტორიის დასაცავად, ასევე წინსვლისთვის. ასე რომ, ჩვენთვის ფანჯარა იხურება“, – განაცხადა ჯეიკ სალივანმა.

სალივანის თქმით, დაფინანსების ნაკლებობამ უკვე იმოქმედა უკრაინის თავდაცვის უნარზე.

„ეს უკვე მოქმედებს ჩვენს უნარზე, მივცეთ უკრაინას ყველაფერი, რაც მას სჭირდება და ეს ეფექტი დროთა განმავლობაში მხოლოდ გაძლიერდება“, – განაცხადა ჯეიკ სალივანმა.