21 სექტემბერი, 2022

გაეროს გენერალური ასამბლეის რიგით 77-ე სესიაზე სიტყვით გამოსვლისას აშშ-ის პრეზიდენტმა, ჯო ბაიდენმა განაცხადა, რომ აშშ არ დაუშვებს, რომ ირანმა ბირთვული იარაღი მოიპოვოს.

„მიუხედავად იმისა, რომ აშშ მზად არის ორმხრივად დაუბრუნდეს ერთობლივ ყოვლისმომცველ სამოქმედო გეგმას, თუ ირანი შეასრულებს ნაკისრ ვალდებულებებს, აშშ მკაფიოდ აცხადებს: ჩვენ არ დავუშვებთ, რომ ირანმა ბირთვული იარაღი მოიპოვოს“, - აღნიშნა აშშ-ის პრეზიდენტმა.

ჯო ბაიდენმა ასევე მოუწოდა მსოფლიო ლიდერებს, კვლავ დაადასტურონ ბირთვული იარაღის გაუვრცელებლობის რეჟიმის მიმართ მხარდაჭერა.

„[ბირთვული იარაღის] გაუვრცელებლობის რეჟიმი გაეროს ერთ-ერთი უდიდესი წარმატებაა. დიპლომატია საუკეთესო გზაა ამ შედეგის მისაღწევად“, - განაცხადა მან.