ჩვენ გავაგრძელებთ უკრაინის მხარდაჭერას, რათა თავის ტერიტორიებზე კონტროლი აღადგინოს, - განაცხადა აშშ-ის პრეზიდენტმა, ჯო ბაიდენმა.

"შეერთებული შტატები გმობს რუსეთის მიერ უკრაინის სუვერენული ტერიტორიის ანექსიის თაღლითურ მცდელობას. რუსეთი არღვევს საერთაშორისო კანონს, არღვევს გაეროს წესდებას და ყველგან გამოხატავს ზიზღს მშვიდობიანი ერების მიმართ", - ნათქვამია ბაიდენის განცხადებაში.

არ შეცდეთ: ამ ქმედებებს არ აქვს ლეგიტიმაცია. შეერთებული შტატები პატივს სცემს უკრაინის საერთაშორისოდ აღიარებულ საზღვრებს. ჩვენ გავაგრძელებთ უკრაინის მხარდაჭერას, სამხედრო და დიპლომატიური დახმარების გაძლიერებით, რომ დაიბრუნოს კონტროლი მის ტერიტორიაზე.

ანექსიის შესახებ რუსეთის ყალბი განცხადებების საპასუხოდ, შეერთებულმა შტატებმა, მოკავშირეებთან და პარტნიორებთან ერთად, დღეს რუსეთის წინააღმდეგ ახალ სანქციების შესახებ განაცხადა.

მოვუწოდებ საერთაშორისო თანამეგობრობის ყველა წევრს, უარი თქვან რუსეთის ანექსიის უკანონო მცდელობებზე და დადგნენ უკრაინელი ხალხის გვერდით იმდენ ხანს, რამდენიც მათ დასჭირდებათ", - ნათქვამია ბაიდენის განცხადებაში.