აშშ-ის პრეზიდენტი ჯო ბაიდენი ისრაელს ოთხშაბათს ეწვევა, – ამის შესახებ აშშ-ის სახელმწიფო მდივანმა, ენტონი ბლინკენმა განაცხადა.

„ისრაელში ვიზიტისას ბაიდენი ომის მიზნებისა და სტრატეგიის შესახებ ყოვლისმომცველ ინფორმაციას მიიღებს“, – აღნიშნა ბლინკენმა.

სახელმწიფო მდივნის განცხადებით, ბაიდენი ისრაელის მხრიდან მოისმენს, თუ როგორ წარმართავენ ოპერაციებს ისე, რომ მშვიდობიანი მოსახლეობის მსხვერპლი მინიმუმამდე დაიყვანონ და ღაზის სექტორში პალესტინელ მშვიდობიან მოსახლეობამდე ჰუმანიტარულმა დახმარებამ მიაღწიოს.