აშშ-ის პრეზიდენტმა, ჯო ბაიდენმა უკრაინისთვის 400 მილიონი დოლარის ოდენობის სამხედრო დახმარების გამოყოფის შესახებ განკარგულებას მოაწერა ხელი.

„თავდაცვის დეპარტამენტმა უკრაინის უსაფრთხოებისა და თავდაცვის კრიტიკული საჭიროებების დასაკმაყოფილებლად დამატებითი დახმარების შესახებ გამოაცხადა“,- აღნიშნულია პენტაგონის განცხადებაში.

პენტაგონის ცნობით, დახმარების პაკეტი მოიცავს აღჭურვილობას, რომელიც უკრაინას ბრძოლის ველზე განსაკუთრებით ესაჭიროება, მათ შორის საჰაერო თავდაცვის სისტემებს, ჯავშანტექნიკას და ტანკსაწინააღმდეგო იარაღს.

კერძოდ, დახმარების პაკეტი მოიცავს „პეტრიოტის“ ტიპის სისტემების საბრძოლო მასალებს და „ჰაიმარსის“ სისტემებსაც.