ქართველი ჩოგბურთელი ნიკოლოზ ბასილაშვილი ავსტრიის დედაქალაქ ვენაში მიმდინარე საერთაშორისო ტურნირს პირველივე წრეში გამოეთიშა.

საქართველოს პირველი ჩოგანი გათამაშების საწყის რაუნდში ტურნირზე პირველ ნომრად განთესილ რუს დანიილ მედვედევს დაუპირისპირდა და შეხვედრა ორ სეტში ანგარიშით 6:2, 6:2 დათმო.

30 წლის ქართველი სპორტსმენისა და რუსის დაპირისპირება 1 საათს გაგრძელდა. უნდა აღინიშნოს რომ ნიკამ გულშემატკივარს რამდენიმე სანახაობრივი გათამაშება აჩუქა, თუმცა ეს გამარჯვებისთვის საკმარისი არ აღმოჩნდა.

ნიკოლოზ ბასილაშვილს უკანასკნელ 10 მატჩში 9 მარცხი დაუგროვდა და ის ერთი გამარჯვებაც ბელგიელი ზიზუ ბერგსის ტრავმის წყალობით იზეიმა. აღსანიშნავია ისიც, რომ აღნიშნულ შეხვედრებში ქართველ ჩოგბურთელს სეტიც კი არ მოუგია.

მორიგი წარუმატებლობის შემდეგ, ნიკოლოზს მიმდინარე რეიტინგში კიდევ 45 ქულა მოაკლდა და უკვე მოწინავე ასეულს მიღმა დარჩა (103).