რუსმა სამხედროებმა კახოვკის ჰიდროელექტროსადგური დანაღმეს, განაცხადა უკრაინის პრეზიდენტმა ვოლოდიმირ ზელენსკიმ ვიდეომიმართვისას.

ზელენსკიმ აღნიშნა, რომ ჰიდროელექტროსადგურის აფეთქება მასშტაბურ კატასტროფას გამოიწვევს. მან საერთაშორისო საზოგადოებას მოუწოდა, რომ ტერაქტის თავიდან ასაცილებლად სწრაფი რეაგირება მოახდინონ.

„ახლა მსოფლიოში სასწრაფოდ უნდა იმოქმედოს, კიდევ ერთი რუსული ტერაქტის თავიდან ასაცილებლად, რადგან კაშხლის ნგრევა მასშტაბურ კატასტროფას ნიშნავს. ამ ტერორისტული აქტით მათ შეუძლიათ, დნეპრიდან ყირიმში წყლის მიწოდების შესაძლებლობაც კი გაანადგურონ. კახოვკის ჰიდროელექტროსადგურის კაშხლის განადგურებით, ჩრდილოეთ ყირიმის არხი უბრალოდ გაქრება“, - განაცხადა ზელენსკიმ.

უკრაინის პრეზიდენტმა ასევე აღნიშნა, რომ რუსული ჯარები რაკეტებითა და უპილოტო თვითმფრინავებით ელექტროსადგურებზე შეტევებს აგრძელებენ.