„კოკაინი“, „სუბოტექსი“ და „მარიხუანა“ - ნარკოდანაშაულისთვის პოლიციამ ოთხი პირი დააკავა
![erimedia_ravk/tAvg3U4VR.jpeg](https://cdn.u.media/max/w728/erimedia_ravk/tAvg3U4VR.jpeg)
პოლიციამ ნარკოდანაშაულისთვის ოთხი პირი დააკავა, სამართალდამცველებმა დაკავებულებისგან სხვადასხვა სახის ნარკოტიკი ამოიღო. ინფორმაციას შინაგან საქმეთა სამინისტრო ავრცელებს.
უწყების ინფორმაციით, პოლიციამ სამი ბრალდებული თბილისში სხვადასხვა დროს დააკავა. ერთ-ერთის პირადი ჩხრეკისას, ასევე, სპეციალური სამალავებიდან, სამართალდამცველებმა სარეალიზაციოდ გამზადებული 3 შეკვრა "კოკაინი" და 9 შეკვრად დაფასოებული მარიხუანა ნივთმტკიცებად ამოიღეს.
თბილისში კიდევ ორი პირი დააკავეს ვაკე-საბურთალოს და გლდანი-ნაძალადევის მთავარი სამმართველოების თანამშრომლებმა. ამოღებულია 25 შეკვრად დაფასოებული ნარკოტიკული საშუალება "ალფა-პვპ", სარეალიზაციოდ გამზადებული კიდევ 5 შეკვრა ნარკოტიკი და "სუბუტექსის" 49 აბი.
განსაკუთრებით დიდი ოდენობით ნარკოტიკული საშუალების უკანონოდ შეძენა-შენახვის ბრალდებით დააკავეს ერთი პირი სამეგრელო-ზემო სვანეთის რეგიონში. მისი პირადი ჩხრეკისას, პოლიციამ 100 აბი ნარკოტიკული საშუალება „სუბოქსინი“ ამოიღო.
გამოძიება დიდი და განსაკუთრებით დიდი ოდენობით ნარკოტიკული საშუალების უკანონო შეძენა-შენახვის, დიდი ოდენობით ნარკოტიკული საშუალების გასაღების მცდელობის და მარიხუანის უკანონო შეძენა-შენახვის ფაქტებზე მიმდინარეობს. დანაშაულები 8-დან 20 წლამდე ან უვადო თავისუფლების აღკვეთას ითვალისწინებს.