1 აგვისტო, 2022

კოსოვოს ჩრდილოეთ მუნიციპალიტეტებში უსაფრთხოების ზოგადი ვითარება მწვავეა. ნატო-ს ხელმძღვანელობით KFOR-ის მისია ვითარების მონიტორინგს ახორციელებს და მზადაა მისი მანდატის ფარგლებში ჩაერიოს თუ სტაბილურობას საფრთხე დაემუქრება, - ამის შესახებ განცხადება ნატო-ს ოფიციალურ გვერდზეა გამოქვეყნებული.

განცხადებაში ასევე აღნიშნულია, რომ ნატო აგრძელებს სრულ მხარდაჭერას პრიშტინასა და ბელგრადს შორის პროცესების ნორმალიზებას ევროკავშირის მიერ მხარდაჭერილი დიალოგის დახმარებით და მოუწოდებს ყველა მხარეს განაგრძონ მოლაპარაკებები.

„კოსოვოს ჩრდილოეთ მუნიციპალიტეტებში უსაფრთხოების ზოგადი ვითარება მწვავეა. ნატო-ს ხელმძღვანელობით KFOR-ის მისია ვითარების მონიტორინგს ახორციელებს და მზადაა მისი მანდატის ფარგლებში ჩაერიოს თუ სტაბილურობას საფრთხე დაემუქრება. ნატო-ს ხელმძღვანელობით KFOR-ის მისია სრულად ფოკუსირებულია გაეროს მანდატის იმპლემენტაციაზე, რათა უზრუნველყოს უსაფრთხო და დაცული გარემო და გადაადგილების თავისუფლება კოსოვოს ყველა მცხოვრებისთვის. KFOR-ი ინარჩუნებს მოქნილ პოზიციას ადგილზე და მისი ხელმძღვანელებს აქვს მაქსიმალური კომუნიკაცია მის ყველა ძირითად მომლაპარაკებელთან, მათ შორის კოსოვოს უსაფრთხოების ორგანიზაციისა და სერბეთის თავდაცვის უწყების ხელმძღვანელთან.

ნატო ასევე აგრძელებს სრულ მხარდაჭერას პრიშტინასა და ბელგრადს შორის პროცესების ნორმალიზებას ევროკავშირის მიერ მხარდაჭერილი დიალოგის დახმარებით და მოუწოდებს ყველა მხარეს განაგრძონ მოლაპარაკებები. კრიტიკულია, რომ მოლაპარაკებები გაგრძელდეს, ეს კრიტიკულ მნიშვნელობას ატარებს რეგიონში მშვიდობისა და უსაფრთხოებისთვის. არ იქნება რეალური პერსპექტივები უკეთესი მომავლისთვის ბალკანეთის ნახევარკუნძულზე ადამიანის უფლებების, დემოკრატიული ღირებულებების, კანონის უზენაესობისა, შიდასახელმწიფოებრივი რეფორმების და კარგი მეზობლური ურთიერთობების გარეშე. კონსტრუქციული დიალოგი საკვანძოა რეგიონული სტაბილურობისთვის.

KFOR-ი მიიღებს ნებისმიერ საჭირო ზომას, რათა შეინარჩუნოს უსაფრთხო და დაცული გარემო კოსოვოში ნებისმიერ დროს გაეროს მანდატის შესაბამისად“,- ნათქვამია განცხადებაში