erimedia_ravk/IHJGDUJIg.png

„კროკუს სითი ჰოლში“ მომხდარ ტერაქტს მსოფლიო ლიდერები გმობენ

ამბები
„კროკუს სითი ჰოლში“ მომხდარ ტერაქტს მსოფლიო ლიდერები გმობენ
ამბები

„კროკუს სითი ჰოლში“ მომხდარ ტერაქტს მსოფლიო ლიდერები გმობენ

erimedia_ravk/IHJGDUJIg.png
23 მარ

მოსკოვში, „კროკუს სითი ჰოლში“ მომხდარ ტერაქტს მსოფლიო ლიდერები გმობენ.

გაერო-ს გენერალურმა მდივანმა, ანტონიო გუტერეშმა დაღუპულთა ოჯახის წევრებს, რუს ხალხსა და დაშავებულებს მალე გამოჯანმრთელება უსურვა.

„უმკაცრესი ფორმით ვგმობ დღევანდელ ტერორისტულ თავდასხმას“, – აღნიშნა გუტერეშმა.

განცხადება ასევე გაავრცელა გაერო-ს უსაფრთხოების საბჭომ, რომელმაც თავდასხმას „საშინელი და ლაჩრული“ უწოდა.

„უსაფრთხოების საბჭოს წევრები კიდევ ერთხელ აცხადებენ, რომ ტერორისტული აქტები არის დანაშაული და გაუმართლებელი, მიუხედავად მათი მოტივის, სადაც და ვის მიერაც უნდა იყოს ჩადენილი“, – აღნიშნულია განცხადებაში.

რუსეთის პრეზიდენტს, ვლადიმირ პუტინს მიუსამძიმრა ჩინეთის პრეზიდენტმა, სი ძინპინმა.

მომხდარს გამოეხმაურა საფრანგეთის პრეზიდენტი ემანუელ მაკრონი, რომელიც სოლიდარობას უცხადებს დაშავებულებს და დაღუპულთა ოჯახის წევრებს.

„მკაცრად ვგმობ ისლამური სახელმწიფოს მიერ განხორციელებულ ტერორისტულ თავდასხმას“, – ნათქვამია მაკრონის განცხადებაში.

თავდასხმა დაგმო გერმანიის კანცლერმა, ოლაფ შოლცმაც.

„ვგმობთ მოსკოვში უდანაშაულო მაყურებელზე განხორციელებულ საშინელ ტერორისტულ თავდასხმას. ჩვენი ფიქრები დაღუპულთა ოჯახის წევრებსა და დაშავებულებთანაა“, – ნათქვამია ოლაფ შოლცის განცხადებაში.

რუსეთის მოსახლეობას მიუსამძიმრა უნგრეთის პრემიერ-მინისტრმა, ვიქტორ ორბანმა.

„მინდა, ღრმა მწუხარება გამოვხატო რუსეთის ფედერაციის მოსახლეობის მიმართ დღეს, საღამოს მოსკოვის მახლობლად მომხდარი საშინელი ტერაქტის გამო. ვლოცულობთ დაღუპულთა ოჯახებისთვის“, – აღნიშნა ორბანმა.

მომხდარი დაგმო ინდოეთის პრემიერ-მინისტრმა, ნარენდრა მოდიმ, ასევე საუდის არაბეთის ტახტის მემკვიდრემ, მუჰამედ ბინ სალმანმა.

რუსეთს მიუსამძიმრეს და ტერაქტი დაგმეს აშშ-ისა და დიდი ბრიტანეთის საგარეო საქმეთა სამინისტროებმა.

მოსკოვში, „კროკუს სითი ჰოლში“ რამდენიმე შეიარაღებული პირი შეიჭრა და კონცერტზე მისულ მაყურებელს ცეცხლი გაუხსნა. რუსეთის საგარეო საქმეთა სამინისტრომ „კროკუს სითი ჰოლზე“ თავდასხმა ტერაქტად შეაფასა. თავდასხმის შედეგად დაღუპულთა რიცხვმა 93-ს მიაღწია, დაშავებულია 121 ადამიანი.

ხშირად ნანახი
Სარეკლამო
Სარეკლამო
მეტი სიახლეები ამბები
მედიის ცნობით, სომხეთი და აზერბაიჯანი შეთანხმდნენ, სად გაივლის სახელმწიფო საზღვარი
წარმომადგენელთა პალატამ მხარი დაუჭირა ისრაელისთვის 26,4 მილიარდი დოლარის ოდენობის დახმარების პაკეტის გამოყოფას
აშშ-ის წარმომადგენელთა პალატამ უკრაინისთვის სამხედრო დახმარების პაკეტის გამოყოფას დაუჭირა მხარი
დონალდ ტრამპის სისხლის სამართლის საქმეზე ნიუ იორკში სასამართლო პროცესი დაიწყო
ისრაელის მედია - ომის კაბინეტმა ირანის წინააღმდეგ მკაფიო და ძლიერი პასუხის გადაწყვეტილება მიიღო
Სარეკლამო
ისრაელის მედია - ირანმა ისრაელის მიმართულებით ათეულობით უპილოტო საფრენი აპარატი გაუშვა
საფრანგეთის ხელისუფლებამ ირანიდან დიპლომატების ოჯახის წევრების ევაკუაციის განკარგულება გასცა
რეჯეფ თაიფ ერდოღანი - ისრაელი ღაზაში ჩაგვრისთვის საფასურს გადაიხდის
გიორგი აბდალაძე - ვტოვებ პრეზიდენტის ადმინისტრაციას, არავის პატიმრობა არ მიხარია, თუმცა პრეზიდენტის დღევანდელი გადაწყვეტილება არის ყველა იმ ადამიანის შეურაცხყოფა, ვინც სამშობლოს ემსახურება
სალომე ზურაბიშვილი აცხადებს, რომ ლაზარე გრიგორიადისი შეიწყალა, თუმცა ჯერ გადაწყვეტილებაზე ხელი არ მოუწერია
მეტის ჩვენება
Სარეკლამო