კულტურის სფეროში დასაქმებული ან დასაქმების მსურველი გიდების სასწავლო კურსი წარმატებით დასრულდა

ამბები
კულტურის სფეროში დასაქმებული ან დასაქმების მსურველი გიდების სასწავლო კურსი წარმატებით დასრულდა
ამბები

კულტურის სფეროში დასაქმებული ან დასაქმების მსურველი გიდების სასწავლო კურსი წარმატებით დასრულდა

3 ოქტ

erimedia_ravk/gMQItbVVg.jpeg

კულტურის სფეროში დასაქმებული ან დასაქმების მსურველი გიდებისთვის, 2021 წელს, ოთხთვიანი გადასამზადებელი სასწავლო კურსი კულტურის სამინისტროს ხელშეწყობით შემუშავდა. 2022 წელს, ტრენინგები 2021 წელს შემუშავებული მოდულის მიხედვით წარიმართა და წარმატებით დასრულდა. სასწავლო კურსის საზეიმო დახურვის ღონისძიება, რომელსაც საქართველოს კულტურის, სპორტისა და ახალგაზრდობის მინისტრი თეა წულუკიანი დაესწრო, ივანე ჯავახიშვილის სახელობის თბილისის სახელმწიფო უნივერსიტეტის მუზეუმში გაიმართა.

კულტურის სამინისტროსა და თბილისის სახელმწიფო უნივერსიტეტის ერთობლივი პროექტი, რომლის ჯამური ბიუჯეტი (2021-2022 წწ.) 92 500 ლარია.

მოიცავს საერთაშორისო სტანდარტების გათვალისწინებით შემუშავებულ თეორიულ და პრაქტიკულ სასწავლო მასალას. სასწავლო პროგრამა აერთიანებს პრაქტიკული სახელმძღვანელო უნარებისა და კომუნიკაციის ტექნიკის ყველა ძირითად ელემენტს: პერსონალურ სასწავლო მიდგომებს, კრიტიკული აზროვნების სტრატეგიულ გამოყენებას, თანამედროვე საგანმანათლებლო რესურსებსა და მოქნილ და ინოვაციურ სწავლების მეთოდებს. კურსის მიმდინარეობისას ჩატარდა პრაქტიკული სასწავლო ექსპედიციები თბილისსა და საქართველოს სხვადასხვა რეგიონში. ტრენინგის მონაწილე მოქმედმა გიდებმა და გიდობის მსურველებმა მოინახულეს საქართველოს მუზეუმები, კულტურული მემკვიდრეობის ძეგლები, ღვინის მარნები და კიდევ არაერთი, ისტორიულ-კულტურული თვალსაზრისით მნიშვნელოვანი ადგილი, რომლებიც ტურისტებისთვის საინტერესოა. მათ მიიღეს შესაბამისი ცოდნა იმისათვის, რომ კომპეტენტური მომსახურება გაუწიონ ტურისტებსა და სხვა დაინტერესებულ პირებს.

ტრენინგებზე რეგისტრაცია 2022 წლის 25 მარტიდან 4 აპრილამდე მიმდინარეობდა. რეგისტრაცია 500-ზე მეტმა პირმა გაიარა და მათგან 150 კანდიდატი შეირჩა. სასწავლო კურსის მონაწილეთა შორის იყო საქართველოს სხვადასხვა მუზეუმის 50-მდე თანამშრომელი. რეგიონებში მცხოვრები მოქალაქეები, მათივე თხოვნით, კურსს საკომუნიკაციო პლატფორმა „ზუმის“ საშუალებით ესწრებოდნენ. პროგრამის შესწავლის შემდეგ 17 კანდიდატს მიენიჭა უმაღლესი კვალიფიკაციის გიდის, 133-ს კი - გიდის ასისტენტის სტატუსი.

შეგახსენებთ, 2021 წელს კულტურის სამინისტრომ გამოაცხადა კონკურსი - „ტურისტული გიდებისთვის კულტურის სფეროში სპეციალური ტრენინგ-მოდულის შემუშავება“. კონკურსის მიზანი იყო პროფესიული სტანდარტის სასწავლო ჩარჩო-დოკუმენტის შექმნა, რომელიც ითვალისწინებს კულტურის სფეროში მომუშავე გიდების კვალიფიკაციის ამაღლებასა და კულტურული ტურიზმის მიმართულებით დასაქმებულთათვის ახალი სტანდარტების დამკვიდრებას.

კონკურსში მონაწილეობისთვის კულტურის სამინისტროს სამმა განმცხადებელმა მიმართა. გაიმარჯვა სსიპ ივანე ჯავახიშვილის სახელობის თბილისის სახელმწიფო უნივერსიტეტმა პროექტით - „მასპინძლობის კულტურა“, რომელიც სამინისტრომ 32 500 ლარით დააფინანსა. ამ პროექტის ფარგლებში შემუშავდა ინოვაციური ტრენინგ-მოდული და შეიქმნა სასწავლო ჩარჩო-დოკუმენტი, რომელიც გახდა სახელმძღვანელო საქართველოში მომუშავე გიდებისათვის. დოკუმენტი შეადგინა თბილისის სახელმწიფო უნივერსიტეტის პროფესორ- მასწავლებელთა და თანამშრომელთა 12-კაციანმა ჯგუფმა (პროექტის ხელმძღვანელი - უნივერსიტეტის პროფესიული განათლების ცენტრის უფროსი კახაბერ ჭეიშვილი, პროექტის კოორდინატორი - უნივერსიტეტის ცოდნის გადაცემისა და ინოვაციების ცენტრის ხელმძღვანელი სალომე ჭანტურიძე) და ოთხი თვის განმავლობაში ამ ინოვაციურ ტრენინგ-მოდულსაც სწორედ ამავე უნივერსიტეტის პროფესორ-მასწავლებლები უძღვებოდნენ.

ინფორმაციას საქართველოს კულტურის, სპორტისა და ახალგაზრდობის სამინისტრო ავრცელებს.

erimedia_ravk/zjMNtb4Vg.jpeg
erimedia_ravk/xZ3HtxV4R.jpeg
ხშირად ნანახი
Სარეკლამო
Სარეკლამო
მეტი სიახლეები ამბები
საფრანგეთის პარლამენტის ორივე პალატის დეპუტატთა ჯგუფი საგარეო ჩარევის შესახებ კანონპროექტის ტექსტზე შეთანხმდა
იტალიის საგარეო საქმეთა მინისტრი - იტალია უკრაინისთვის მიწოდებული იარაღის რუსეთის ტერიტორიაზე დარტყმებისთვის გამოყენებას არ დაუშვებს
გერმანია უკრაინას რუსეთის ტერიტორიაზე მათ მიერ მიწოდებული იარაღის გამოყენების უფლებას აძლევს
სლოვაკეთის პრემიერ-მინისტრი საავადმყოფოდან გაწერეს
ვიქტორ ორბანი - ნატო ყოველ კვირას სულ უფრო უახლოვდება ომს
Სარეკლამო
„როიტერი“ - ჩინეთი შვეიცარიაში, ივნისში დაგეგმილ უკრაინის სამშვიდობო სამიტს არ შეუერთდება, რადგან მხარს უჭერს რუსეთის და უკრაინის თანასწორ მონაწილეობას
ნიუ იორკის ნაფიც მსაჯულთა სასამართლომ დონალდ ტრამპი სისხლის სამართლის საქმეზე დამნაშავედ ცნო
თეთრი სახლის ცნობით, ოფიციალური ვიზიტის ფარგლებში, ჯო ბაიდენი 8 ივნისს საფრანგეთში ჩავა
„პოლიტიკო“ - ჯო ბაიდენმა უკრაინას ფარულად მისცა უფლება, აშშ-ის მიერ მიწოდებული იარაღის გამოყენებით რუსეთის ტერიტორიაზე დარტყმები განახორციელოს, თუმცა მხოლოდ ხარკოვის მახლობლად
საფრანგეთში დეპუტატები უცხოური ჩარევის წინააღმდეგ კანონის ტექსტზე შეთანხმდნენ
მეტის ჩვენება
Სარეკლამო