ქუთაისში 65 წლის ქალი ძაღლის დაკბენის შემდგომი გართულებით კლინიკაში გარდაიცვალა. ინფორმაციას ტელეკომპანია "რუსთავი 2" ავრცელებს.

პაციენტი სამტრედიაში მიუსაფარმა ძაღლმა 31 ოქტომბერს დაკბინა. მან ცოფის საწინააღმდეგო ვაქცინის არასრული კურსი ჩაიტარა, რამაც, სავარაუდოდ, გართულება გამოიწვია.

როგორც კლინიკაში განაცხადეს, პაციენტს ცოფისთვის დამახასიათებელი სიმპტომები აღენიშნებოდა და გულის გაჩერებით გარდაიცვალა. მის ანალიზებში ცოფი არ აღმოჩნდა. კლინიკაში ვარაუდობენ, რომ ჩატარებული ცოფის საწინააღმდეგო ვაქცინაციის გამო, შესაძლოა, ანალიზში არ გამოვლენილიყო.

აღსანიშნავია, რომ გარდაცვლილის ოჯახმა ექსპერტიზაზე უარი განაცხადა.