26 სექტემბერი, 2022

ხვიჩა კვარაცხელია, რომელიც მოულოდნელად ერთა ლიგის მე-5 ტურის არცერთ სიმბოლურ ნაკრებში არ დაასახელეს, საერთაშორისო ანალიტიკურმა ინტერნეტ-პორტალის, „სოფასქორის“ რეიტინგით, ტურნირის საუკეთესო მოთამაშეთა ოთხეულშია.

ხვიჩა კვარაცხელიამ C4 ჯგუფის გადამწყვეტ შეხვედრაში, ჩრდილოთ მაკედონიასთან პირდაპირი გავლენა მოახდინა პირველი გოლის გატანაზე, მეორე კი ბუდუ ზივზივაძის შესანიშნავი გადაცემით გაიტანა.

კვარაცხელიას კარგი თამაში ნაწილობრივ მაინც დააფასეს და 21 წლის ქართველი ტურნირის ოთხივე დივიზიონში ჩატარებული 5 ტურის შემდეგ, საუკეთესო მოთამაშეთა ოთხეულშია.

პირველ ადგილზე თურქეთის ნაკრების შემტევი ჰაკან ჩალხანოღლუა, რომელმაც გასულ 5 შეხვედრაში საშუალოდ 8,18 ქულა მიიღო, მეორე-მესამეზე ერთნაირი შეფასებით (8,03 ქულა) ისრაელის ნაკრების მოთამაშე მანორ სოლომონი და ბელგიელი კევნ დე ბრუინე არიან, ხოლო ქართველი მოთამაშე 8,00 ქულით რეიტინგში მეოთხეა.

ხვიჩა კვარაცხელიამ C4 ჯგუფის 5 შეხვედრაში, 4 გოლი გაიტანა, 2 ასისტი შეასრულა და 2 პენალტი მოიპოვა.

ავტორი - მერაბ მამულაშვილი