ლატვიაში საპარლამენტო არჩევნები მიმდინარეობს. საარჩევნო უბნები ადგილობრივი დროით 20:00 საათზე დაიხურება.

ორგანიზაცია SKDS-ის მიერ სექტემბერში ჩატარებული კვლევის თანახმად, არჩევნებზე პირველ ადგილს, დაახლოებით 20%-იანი შედეგით, მემარჯვენე-ცენტრისტული პარტია „ახალი ერთობა“ დაიკავებს, რომელსაც პრემიერ-მინისტრი, არტურს კრიშიანის კარინში ხელმძღვანელობს.

საერთო ჯამში, არჩევნებში 18 პარტია მონაწილეობს და დიდი ალბათობით, მათი ნახევარი 5%-იან ბარიერს გადალახავს.

ბოლო გამოკითხვების თანახმად, პარტია „ჰარმონია“, რომელიც რუსულენოვანი მოსახლეობის ინტერესების დამცველად ითვლება, 7%-იანი შედეგით მეხუთე ადგილზე გავა.