ლატვიის პრემიერ-მინისტრი კრიშიანის კარინში თანამდებობიდან გადადგა.

კარინშის განცხადებით, პრემიერ-მინისტრის პოსტის დატოვება კოალიციური კრიზისის გამო გადაწყვიტა.

„ჩემთვის ცხადი გახდა, რომ „ეროვნული გაერთიანება“ და „ერთიანი სია“ ყველაფერს აკეთებენ, რათა შეაფერხონ ხელისუფლების მუშაობაში დინამიზმის დანერგვის ნებისმიერი მცდელობა. ამიტომ, დასკვნა ელემენტარულია, თუ ამ ხელისუფლებაში დინამიზმი ვერ მოიძებნა, სხვა მთავრობაა საჭირო“, – განმარტა კარინშმა.

საგანგებო ბრიფინგზე მან განაცხადა, რომ გადადგომის შესახებ ოფიციალურ განცხადებას პრეზიდენტს ხუთშაბათს, 17 აგვისტოს წარუდგენს და თავის პარტიას პრემიერ-მინისტრობის ახალი კანდიდატის წარდგენას შესთავაზებს.

მოქმედი მთავრობა, ახალი მთავრობის დამტკიცებამადე ფუნქციონირებას დროებით ისევ განაგრძობს.