erimedia_ravk/ed1Xvw4Vg.jpeg

ლევან დავითაშვილი: ეკონომიკური აქტივობის მაღალი დონე დასაქმების ზრდაზე აისახა

ამბები
ლევან დავითაშვილი: ეკონომიკური აქტივობის მაღალი დონე დასაქმების ზრდაზე აისახა
ამბები

ლევან დავითაშვილი: ეკონომიკური აქტივობის მაღალი დონე დასაქმების ზრდაზე აისახა

erimedia_ravk/ed1Xvw4Vg.jpeg
6 ოქტ

საქართველოში ეკონომიკური აქტივობის მაღალი დონე დასაქმების ზრდასა და უმუშევრობის შემცირებაზე აისახა, განაცხადა ეკონომიკის მინისტრმა ლევან დავითაშვილმა, რომელსაც საკანონმდებლო ორგანოში მინისტრის საათის ფორმატში უსმენენ.

მინისტრის განცხადებით, როგორც პირველ, ასევე მეორე კვარტალში უმუშევრობის კლება და დასაქმების ზრდა ფიქსირდება. მან აღნიშნა, რომ უმუშევრობის დონე მეორე კვარტალში 4.0 პროცენტული პუნქტით შემცირდა და 18.1 პროცენტი შეადგინა.

"ბიზნესსექტორში სამუშაო ადგილების რაოდენობამ გადააჭარბა პანდემიამდელი პერიოდის (2019 წლის) ანალოგიური პერიოდის მაჩვენებელსაც. 2022 წლის პირველ კვარტალში ბიზნესსექტორში სამუშაო ადგილების რაოდენობა 50.9 ათასით, ხოლო მეორე კვარტალში 35.5 ათასით გაიზარდა“, – აღნიშნა ლევან დავითაშვილმა.

ლევან დავითაშვილის განცხადებით, 2022 წელი ასევე პოზიტიური იყო პირდაპირი უცხოური ინვესტიციების მოზიდვის კუთხით. მინისტრის განმარტებით, იანვარ-ივნისის პერიოდში პირდაპირი უცხოური ინვესტიციების მოცულობა, წინა წელთან შედარებით, 102 პროცენტით გაიზარდა და 922.9 მლნ აშშ დოლარი შეადგინა, ხოლო 2019 წელთან შედარებით, ზრდა 62.5 პროცენტს შეადგენს.

ლევან დავითაშვილმა ხაზი გაუსვა ტურიზმის აღდგენის ტენდენციებსაც და აღნიშნა, რომ 2022 წლის იანვარი-აგვისტოს პერიოდში მოგზაურობიდან მიღებულმა შემოსავლებმა 2,141.6 მლნ აშშ დოლარი შეადგინა.

„სექტემბრის მონაცემებიც დამაიმედებელია და ჩვენი მოლოდინია, რომ მიმდინარე წელს ტურიზმიდან შემოსავლები ჩვენს ისტორიაში რეკორდულ მაჩვენებლებს გაუტოლდება“, – განაცხადა ვიცე-პრემიერმა.

ლევან დავითაშვილმა ასევე აღნიშნა 2022 წლის იანვარ-აგვისტოს პერიოდში გაიზარდა საქართველოს სატრანსპორტო დარგების (საავტომობილო, რკინიგზა, სამოქალაქო ავიაცია) მიერ საერთაშორისო გადაზიდვებით გადაზიდული ტვირთების რაოდენობა. მისი ინფორმაციით, ამ მაჩვენებელმა 17.9 მილიონი ტონა შეადგინა, რაც 2021 წლის ანალოგიურ პერიოდთან შედარებით, დაახლოებით 20 პროცენტით მეტია.

ხშირად ნანახი
Სარეკლამო
Სარეკლამო
მეტი სიახლეები ამბები
მედიის ცნობით, სომხეთი და აზერბაიჯანი შეთანხმდნენ, სად გაივლის სახელმწიფო საზღვარი
წარმომადგენელთა პალატამ მხარი დაუჭირა ისრაელისთვის 26,4 მილიარდი დოლარის ოდენობის დახმარების პაკეტის გამოყოფას
აშშ-ის წარმომადგენელთა პალატამ უკრაინისთვის სამხედრო დახმარების პაკეტის გამოყოფას დაუჭირა მხარი
დონალდ ტრამპის სისხლის სამართლის საქმეზე ნიუ იორკში სასამართლო პროცესი დაიწყო
ისრაელის მედია - ომის კაბინეტმა ირანის წინააღმდეგ მკაფიო და ძლიერი პასუხის გადაწყვეტილება მიიღო
Სარეკლამო
ისრაელის მედია - ირანმა ისრაელის მიმართულებით ათეულობით უპილოტო საფრენი აპარატი გაუშვა
საფრანგეთის ხელისუფლებამ ირანიდან დიპლომატების ოჯახის წევრების ევაკუაციის განკარგულება გასცა
რეჯეფ თაიფ ერდოღანი - ისრაელი ღაზაში ჩაგვრისთვის საფასურს გადაიხდის
გიორგი აბდალაძე - ვტოვებ პრეზიდენტის ადმინისტრაციას, არავის პატიმრობა არ მიხარია, თუმცა პრეზიდენტის დღევანდელი გადაწყვეტილება არის ყველა იმ ადამიანის შეურაცხყოფა, ვინც სამშობლოს ემსახურება
სალომე ზურაბიშვილი აცხადებს, რომ ლაზარე გრიგორიადისი შეიწყალა, თუმცა ჯერ გადაწყვეტილებაზე ხელი არ მოუწერია
მეტის ჩვენება
Სარეკლამო