ლევან ვასაძე - ჩვენს ქვეყანაში არათუ პრეზიდენტის ინსტიტუტია გაუქმებული და სრულიად გამოფატრული, არამედ ამ ფარატინა პრეზიდენტსაც კი, ჩვენ აწი აღარავინ აგვარჩევინებს.
27 ივლისი, 2022
ხშირად მეკითხებიან, თუ რატომ არ ვიყრი კენჭს არარსებულ საპრეზიდენტო არჩევნებში. ჩვენს ქვეყანაში არათუ პრეზიდენტის ინსტიტუტია გაუქმებული და სრულიად გამოფატრული, არამედ ამ ფარატინა პრეზიდენტსაც კი, ჩვენ აწი აღარავინ აგვარჩევინებს. განვმარტავ, რომ "ნაც-ქოცურმა" ალიანსმა ქართველ ხალხს ჩამოართვა პრეზიდენტის პირდაპირი არჩევის უფლება და მორიგ საპრეზიდენტო კანდიდატს ისინი ახალი კონსტიტუციური ჩასწორებების მიხედვით, თვითონ აირჩევენ რამდენიმე ათეული, ეგრეთწოდებული ხმოსნის მიერ ხმის მიცემის წესით, ანუ თავიანთი პარტიული სიების შეთქმული მაიმუნობით და არა დემოკრატიული სახალხო არჩევნებით. ესეც გახლავთ მორიგი ე.წ.საჩუქარი "ნაც-ქოცური" ალიანსის მხრიდან ქართველ ხალხს.
რას ვაპირებთ? ვაპირებთ 2024 წელს ქვეყნისათვის მთავარ საპარლამენტო არჩევნებში ვიყაროთ კენჭი და დავამარცხოთ "ნაც-ქოცური" ალიანსი. ყველას, ვისაც უნდა დარჩეს ამ ჭაობში, მისცეს ხმა "ქოცებს". მათ, ვისაც უნდა დაბრუნდეს სააკაშვილის მმართველობის ხანაში და ტერორში, რომელიც მას ახლდა თან, მისცეს ხმა "ნაცებს". ხოლო, ვისაც უნდა ახალი, ძლიერი ეროვნული სახელმწიფო დაგვიდგეს გვერდში და მოგვცეს ხმა ჩვენ! ჩვენ ძალაუფლება თვითმიზნად არასოდეს გვქონია, ამ გოლგოთაზე მხოლოდ ქვეყნის სიყვარულით შევედით და უკვე ვიწვნიეთ ამ გადაწყვეტილების საშინელი სიმწარე.
