ლიეტუვამ ბელარუსის საზღვართან ღობის მშენებლობა დაასრულა

ამბები / წყარო: www.interpressnews.ge

29 აგვისტო, 2022

ლიეტუვამ ბელარუსის საზღვართან ღობის მშენებლობა დაასრულა. ამის შესახებ ინფორმაციას Baltic News Service ავრცელებს. დაახლოებით 550 კილომეტრზე გადაჭიმულ საზღვარზე ღობესთან ერთად მავთულხლართიც გაკეთდა.

„შაბათ -კვირას ხელოსნებმა დაამონტაჟეს ღობის ბოლო დაგეგმილი სეგმენტები ბელარუსის საზღვართან", - ნათქვამია ინფორმაციაში.

ბელარუსისა და ლიეტუვის საზღვრის მთელი სიგრძე 679 კილომეტრს შეადგენს. აქედან საზღვრის 100- კილომეტრიანი მონაკვეთი მდინარეებისა და ტბების სანაპიროებს მიუყვება, დანარჩენი ნაწილი კი ახლა ღობით არის გამაგრებული.

ცნობისთვის, გასულ წელს ბელარუსიდან არალეგალური მიგრანტების მასშტაბური შედინების შემდეგ, ლიეტუვამ საზღვარზე ღობის აშენება გადაწყვიტა. ლიეტუვამ კრიზისის ორგანიზებაში ალექსანდრე ლუკაშენკოს რეჟიმი დაადანაშაულა და მას ჰიბრიდული თავდასხმა უწოდა.

ხშირად ნანახი

10 აგვ

1. ალექსანდრე დუგინი ქართველების შეურაცხყოფის გამო დიმიტრი მედვედევს აკრიტიკებს

10 მაი

2. ლევან ვასაძე – უძლურის დღიური. 14.08.2021 - 10.05.2022

21 აგვ

3. რუსეთის ფედერაციის საგამოძიებო კომიტეტმა მანქანის აფეთქებასთან დაკავშირებით, რომელშიც დარია დუგინა იმყოფებოდა, საქმე აღძრა

20 ივნ

4. კრისტინა პუშოუ - ნუ დააკნინებთ ბრწინვალე აბჯარში გამოწყობილი რაინდის საშიშროებას. 20 ივნისი, 2019

13 ივნ

5. პოპერი და სოროსი, როგორც ლიბერალიზმის მარქსი და ლენინი. ზაზა შათირიშვილი.

Სარეკლამო